Te mau Haapiiraa no to Tatou Anotau
Ia haapiihia te mau haapiiraa a te Autahu‘araa a Melehisedeka e a te Sotaiete Tauturu no te maha o te sabati i roto « Te Mau Haapiiraa no to Tatou Anotau ». E nehenehe te haapiiraa tata‘itahi ia faaineinehia i ni‘a hoê e aore râ, e rave rahi mau a‘oraa tei horo‘ahia i roto i te amuiraa rahi i oti a‘e nei. E nehenehe te mau peresideni tĭtĭ e mataeinaa e ma‘iti tei hea mau a‘oraa e faaohipa, e aore râ e nehenehe ratou e horo‘a i te reira hopoi‘a i roto i te mau episekopo e te mau peresideni amaa. E mea ti‘a i te feia faatere ia haapapû i te faufaa o te mau taea‘e o te Autahu‘araa a Melehisedeka e te mau tuahine o te Sotaiete Tauturu no te tuatapapa hoê â mau a‘oraa i te hoê mau sabati.
Ua faaitoitohia te mau taata e haere atu i roto i te mau haapiiraa no te maha o te sabati ia tuatapapa e ia ta‘ita‘i mai i roto i te piha i te ve‘a no ni‘a i te amuiraa i ma‘iri iho nei.
Te mau mana‘o tauturu no te faaineine i te hoê haapiiraa i ni‘a i te mau a‘oraa
A pure ia ti‘a i te Varua Mo‘a ia vai mai i piha‘iho ia outou a tuatapapa ai e a haapii ai outou i te (mau) a‘oraa. E nehenehe paha outou i te faahemahia ia faaohipa i te tahi atu mau materia no te faaineine i te haapiiraa, tera râ ua haamanahia te mau faanahoraa no te mau a‘oraa no te amuiraa rahi. Ta outou titauraa o te tautururaa ïa ia vetahi ê ia haapii e ia ora i te evanelia mai tei haapiihia i roto i te amuiraa rahi i tupu iho nei a te Ekalesia.
A hi‘o faahou i te (mau) a‘oraa, ma te imi i te mau parau tumu e te mau haapiiraa tumu e tu‘ati i ni‘a i te hinaaro o te mau melo o te piha haapiiraa. A imi atoa i te mau aamu, te mau irava parau, e te mau faahitiraa parau i roto i te (mau) a‘oraa o te riro ei tauturu ia outou ia haapii i teie mau parau mau.
A rave i te hoê faanahoraa e nahea i te haapii i te mau parau tumu e te mau haapiiraa tumu. Ia vai i roto i ta outou faanahoraa te mau uiraa o te tauturu i te mau melo o te piha :
-
A imi te mau parau tumu e te mau haapiiraa tumu i roto i te (mau) a‘oraa.
-
A feruri i ni‘a i to ratou auraa.
-
A faaite te taa-maitai-raa, te mau mana‘o, te mau iteraa, e te mau iteraa papû.
-
A faaohipa i teie mau parau tumu e mau haapiiraa tumu i roto i to outou oraraa.
|
Te mau ava‘e |
Te mau materia no te haapiiraa no te maha o te sabati |
|---|---|
|
Me 2011–Atopa 2011 |
Te mau a‘oraa i nene‘ihia i roto i te Liahona* no Me 2011 |
|
Novema 2011–Eperera 2012 |
Te mau a‘oraa i nene‘ihia i roto i te Liahona* no Novema 2011 |