Elder O. Vincent Haleck

No te Hitu Ahuru

Mai to’na apî roa raa ua aufau o Elder Otto Vincent Haleck i te tufaa ahuru, ua haapae i te maa, e ua tai‘o i te mau papa‘iraa mo‘a e i muri iho ua farerei i te mau misionare e ua bapetizohia.

E melo te metua vahine o Haleck no te Ekalesia aita râ e haere nei i te pureraa e rave rahi mau matahiti. E ere to’na metua tane i te melo no te Ekalesia. Ua aufau râ te utuafare i te tuhaa ahuru, ua haapae i te mau hebedoma atoa, ua tai‘o i te Bibilia i te mau mahana atoa, e ua horo‘a i ta ratou tao‘a na te feia tei roohia i te ati. No roto mai Elder Haleck i te hoê utuafare faaroo.

Ua fanauhia o Elder Haleck i te ava‘e Tenuare 1949 i Samoa Marite. Ua tono to’na na metua, o Otto e Doroty Haleck, ia’na i te haapiiraa i California, Mau Hau Amui no Marite. I te faito matahiti 17 ua ite oia e e mea taa ê te tahi mau hoa i roto i te faatereraa o te mau piahi i te tahi atu mau piahi. Ua parau Elder Haleck, « Ua ani mai ratou ia‘u ia haere i te Pureraa Feia Apî, e te toea e aai ïa ».

Ua farii o Elder Haleck i te parau tu‘ite i te pae no te faatianiraa e te hooraa i te Fare Haapiiraa Teitei no Brigham Young. E fatu oia no te mau ohipa imiraa faufaa e rave rahi i Samoa Marite e te rave nei oia i te ohipa tautururaa i te taata. Ua faaipoipohia o Elder Haleck e ta’na vahine faaipoipo, o Peggy Ann Cameron i te 29 no Tiunu 1972 i te Hiero no Provo Utaha. E toru ta raua mau tamarii.

I te pae hope‘a, ua ite te taatoaraa o te utuafare no Elder Haleck i te evanelia. Ua farii o Elder Haleck i te haamaitairaa ia bapetizo i to’na metua tane e 80 matahiti te paari e ia hi‘o i to’na metua vahine i te ho‘iraa i te pureraa i muri a‘e e 50 matahiti faaipoiporaa.

Hou to’na piiraahia i roto i te Piti o te Pŭpŭ Hitu Ahuru, ua tavini o Elder Haleck ei misionare rave tamau i roto i te Misioni no Samoa Apia, ei melo no te apooraa teitei, patereareha, peresideni tĭtĭ, e ei peresideni no te Misioni no Samoa Apia aita i maoro a‘enei.

Te ti‘aturi nei Elder Haleck e ua aratai te mau mea atoa tei tupu i ni‘a ia’na i te vahi i reira oia i teie nei. Ua parau oia, « Ia hi‘o vau i to’u iho oraraa, e nehenehe ia‘u ia parau e e nehenehe ia‘u ia ite i te rima o te Fatu ». « Te mauruuru nei au no te ti‘aturiraa ta te Fatu i tuu mai i ni‘a ia tatou. Te here nei au i te Fatu e te ti‘aturi nei au ia riro ei mauhaa maitai. Ua ite au e e tauturu mai te Fatu ia‘u ».