Kiʻi Sēniti pē ʻe Taha
[“Neongo ʻoku ngali siʻisiʻi ʻeku vahehongofulú, ka ʻoku fakahaaʻi ai ʻeku tuí mo e houngaʻia kiate Ia ko e ʻEiki ʻo e meʻa kotoa pē”] (“Totongi ʻEku Vahe Hongofulú,” Tohi Hiva ʻa e Fānaú, 147).
-
Naʻe siofi ʻe Taniela ʻa e sēniti ʻi heʻene funga toloá. Naʻá ne siofi ia he ngaahi miniti kuo ʻosí. Naʻe ngali fuʻu siʻisiʻi.
Taniela, kuó ke maau ki he lotú?
ʻIo, tangataʻeiki. Kuó u mei maau.
-
Naʻe faʻo ʻe Taniela e sēnití ki hono kató pea lele atu ke maʻu hono fāmilí.
-
ʻI he taimi ne aʻu atu ai ʻa Taniela mo hono fāmilí ki he lotú, naʻá ne ʻomi ha laʻipepa vahehongofulu mo ha sila mei he veʻe ʻōfisi ʻo e pīsopé.
Tangataʻeiki, te ke lava ke tokoni mai ki hono fakafonu ʻení?
ʻIo.
-
Ko e hā e lahi ʻo e vahehongofulu ʻokú ke totongi he ʻaho ní?
ʻIkai ke fuʻu lahi. Ko ʻeni pē.
Taniela, ko e peseti ʻeni ʻe 10 ʻo e paʻanga naʻá ke maʻú?
“ʻIo.
Ta ʻoku lelei ʻeni.
-
Naʻe tāpuniʻi ʻe Taniela ʻa e silá pea ʻave ʻa e vahehongofulú ki he pīsopé. Naʻá na lulululu mo e pīsopé. Naʻe fakakaukau ʻa Taniela pe naʻe kei fie lulululu ange koā ʻa e pīsopé ki ai kapau naʻá ne ʻiloʻi ko e sēniti pē ʻe taha ʻi he silá.
-
ʻOku ou laukau ʻaki koe, Taniela. Ko e fili mahuʻinga ia ke totongi vahehongofulu.
ʻOku ou ʻiloʻi, tangataʻeikí, ka ko e sēniti pē ia ʻe taha.
-
He ʻikai ke ke lava ke ʻilo ʻa e meʻa ʻe fai ʻaki e sēniti ko ia ʻe tahá. Mahalo pē ʻe lava ke paaki ai ha peesi ʻe taha ʻo e Tohi ʻa Molomoná, pe totongi ʻaki ha foʻi maka ʻe taha ke langa ʻaki ha temipale.
-
Naʻe teʻeki ai pē ke fakakaukau pehē ʻa Taniela ia ki he vahehongofulú ki muʻa. Naʻe kamata ke ne fakakaukau ki he ngaahi founga ʻe lava ke tokoni ai ʻene vahehongofulú ki he niʻihi kehé.
ʻOkú ke moʻoni pē koe, tangataʻeiki. ʻOku ou fiefia ke totongi e vahehongofulú—neongo ko ha kiʻi sēniti pē ʻe taha.