Ngaahi Ongoongo Nounou mei Māmaní

Hokohoko Atu Hono ʻOatu ʻe he Siasí ʻa e Tokoní ki Siapaní

ʻOku kei hokohoko atu hono ʻoatu ʻe he Siasí ʻa e ngaahi nāunaú mo e tokoni ki he fonuá, hili ʻa e mofuike fakamanavahē naʻe tō ʻi Siapaní ʻi he ʻaho 11 Māʻasi 2011 ʻa ia naʻe 9.0 hono mālohí.

Kuo laka hake ʻi he toni ʻe 150 ʻa e ngaahi nāunau mei he ngaahi ngāue tokoni ʻa e Siasí kuo tufaki atú: meʻakai, vai, ngaahi kafu, ngaahi mohenga, ngaahi nāunau haisini, vala, mo e penisini. Kuo laka hake he kāingalotu Siasi ʻe toko 7,000 kuo nau foaki e ngaahi houa ngāue ne lahi hake ʻi he 60,000 ki he ngāue tokoní.

Tānaki Atu ki he FamilySearch ha Ngaahi Lekooti ʻe Hiva Miliona mei Hungali

ʻI he ngaahi lekooti fakavahaʻapuleʻanga foʻou ʻe 11.5 miliona naʻe tānaki atu ki he FamilySearch ʻi Māʻasí, ko e 9 miliona ai mei Hungali.

Ko e ngaahi lekooti ko ia ʻe hiva miliona kuo ʻosi fakahokohoko fakamotuʻaleá, ko e ʻuluaki ia ʻi he konga ʻe tolu ʻo e ngaahi lekooti mei Hungali ʻe pulusi ʻi he taʻu ko ʻeni ka hokó. Makehe mei he ngaahi lekooti ko ʻení, ʻoku maʻu atu he taimí ni ʻi he FamilySearch ha ngaahi ngāue foʻou mei Hungali ke fakahokohoko fakamotuʻalea ʻe he kau ngāueʻofá.