Toe Fokotuʻutuʻu ʻe he Siasí ʻa e Ngaahi Ngataʻanga ʻo e Misioná

Naʻe fokotuʻu ʻe he Siasí ha ngaahi misiona foʻou ʻe nima mo fakatahaʻi e ngaahi misiona kaungāʻapi ʻi he 2011, ke vahevahe lelei ange ʻa e ngaahi maʻuʻanga tokoní ʻo fakatatau mo e feliliuaki ʻa e ngaahi fie maʻú. Ko e lahi ʻo e ngaahi misiona fakamāmanilahí ko e 340.

Kuo fokotuʻu ʻe he Siasí ʻa e ngaahi misiona ko ʻení:

Ko e Misiona Penina Kotonoú—ʻoku kau ai ʻa Penina mo Toko—naʻe faʻufaʻu ia mei he konga ʻo e misiona naʻe ʻiloa kimuʻa ko e Misiona ʻAivoli Kousi ʻApitasaní.

ʻOku maʻu ʻa e Misiona Mekisikou Mekisikou Siti Tonga-hahaké mei hono toe vahevahe ʻo e ngaahi Misiona Mekisikou Mekisikou Siti Hahaké, Mekisikou, Mekisikou Siti Tokelau-hihifó, mo e Mekisikou Mekisikou Siti Sauté.

Naʻe maʻu ʻa e Misiona Pelū Sikalaió mei he ongo Misiona Pelū Piulá mo e Pelū Tuluiló.

Naʻe fokotuʻu ʻa e Misiona Filipaini Keisoni Siti Noaté mei hono vahevahe ʻo e ongo Misiona Filipaini Manilá mo e Filipaini Keisoni Sití.

Naʻe vahevahe atu ʻa e Misiona Semipia Lusaká ki he Misiona Simipāpue Halalé pea ʻe kau ai mo e fonua ko Malauí.

Naʻe fakatahaʻi ʻa e ngaahi misiona ko ʻení:

Naʻe fakatahaʻi ʻa Kānata Tolonitō Hahake mo Kānata Tolonitō Hihifo ke hoko ko e Misiona Kānata Tolonitoó.

Naʻe fakakau atu ʻa e Misiona Konetiketi Haatifōtí ki he Misiona Masasiuseti Positoní.

Naʻe toe vahevahe ʻa e ngaahi Misiona Fololita Siakisonivilá, Fololita Talahasí, Siōsia ʻAtilanitaá, mo Saute Kalolaina Kolomupiá ke nau takitaha maʻu ha konga ʻo e Misiona naʻe ʻiloa kimuʻa ko e Siōsiā Meikoní.

Naʻe hoko ʻa e Misiona Potukali Potó ko e konga ʻo e Misiona Potukali Lisiponí.

Naʻe vahevahe ʻa e ongo Misiona Falanisē Pālesí mo Falanisē Tulusí ke kau atu ki ai ʻa e ʻēlia ʻo e Misiona Suisalani Sinivá. (Toe tānaki atu ki aí, naʻe hiki ki Laione ʻa e hetikuota ʻo e Misiona Falanisē Tulusí, pea naʻe liliu ʻa e hingoa ʻo e misioná ko Falanisē Laioné.)

Naʻe vahevahe ʻa e ongo misiona ʻEla Salavatoa Seni Salavatoa ʻĪsité mo e ʻEla Salavatoa Seni Salavatoa Uēsité/Pealisé. ʻOku hoko he taimí ni ʻa e misiona ʻĪsité ko e Misiona ʻEla Salavatoa Seni Salavatoá, pea ko e Uēsité ko e Misiona ʻEla Salavatoa Sanitā ʻAná/Pealisé.