Ko e hā te u lava ʻo ako mei he folofolá?

Mei he “Ko e Tāpuaki ʻo e Folofolá,” Liahona, Mē 2010, 32–35.

Ko hono vahevahe mai ʻe ʻEletā D. Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá ha niʻihi ʻo ʻene ngaahi fakakaukau ki he kaveinga ko ʻení.

“Ko e taumuʻa mahuʻinga taha ʻo e folofola kotoa pē ko hono fakafonuʻaki hotau laumālié ʻa e tui ki he ʻOtua ko e Tamaí mo Hono ʻAlo ko Sīsū Kalaisí.

ʻOku fakalahi ʻe he folofolá ʻetau manatú ʻaki hono tokoniʻi kitautolu ke tau manatuʻi maʻu pē ʻa e ʻEikí mo ʻetau fekāingaʻaki mo Ia pea mo e Tamaí. ʻOku nau fakamanatu mai kiate kitautolu ʻa e ngaahi meʻa naʻa tau ʻilo ʻi he maama fakalaumālié.

ʻOku fakamālohia ʻetau tuí ʻe he fakamatala he folofolá ki he tui ʻa e niʻihi kehé.

ʻOku tau hokohoko maʻu e ngaahi lea ʻa e kau palōfitá, ʻa ia ʻoku ui ʻe he ʻEikí ko e folofolá, ʻi he televīsoné, letioó, ʻinitanetí, satelaité, CD, DVD, pea toe paaki foki. Ko ia ʻi he tāpuaki ko ʻení ʻoku talamai ai ʻe he ʻEikí ʻoku lahi ange ʻa ʻetau fie maʻu ʻa e folofolá ʻi ha toe taimi ki muʻa.

ʻOku fakahinohinoʻi kitautolu ʻe he folofolá ʻi he ngaahi tefitoʻi moʻoní mo e ngaahi meʻa totonu ʻoku mahuʻingá. ʻOku tau maʻu he folofolá ha ngaahi sīpinga moʻoni ʻo hono maʻu ʻo e ngaahi tāpuakí ʻi hono tauhi e ngaahi tefitoʻi moʻoni totonú.

Tā fakatātaaʻi ʻe Beth M. Whittaker