Vahevahe Atu ʻEku Fakamoʻoní he Mūsiká

Felise Saito, Siamane

Neongo naʻá ku tupu hake he Siasí, ka naʻá ku māmālohi pē ʻi hoku taʻu 18. Ki mui aí, hili ʻeku hiki mei he fakahahake ʻo Siamané ki Felengifētí, naʻe fakaafeʻi au ke u nofo mo ha fāmili siasi. Naʻá ku ʻiloʻi ko ha faingamālie ʻeni ke u toe kamata foʻou ai peá u toe mālohi he Siasí.

Hili pē ʻeku hiki atu ki Felengifētí, naʻe ui au ko ha mēmipa ʻo e kau palesitenisī ki he senitā homau feituʻú maʻá e kakai lalahi kei talavoú. Naʻe kau he fatongiá hono fakafekauʻaki e ngaahi kalasi ʻinisititiutí, efiafi fakafāmili ʻi ʻapí, mo e ngaahi ʻekitivitī kehe. Naʻe fie maʻu ki ai ha ngāue lahi, ka naʻe ʻaonga koeʻuhí ko e senitaá ko ha tāpuaki lahi ia ki he kakai lalahi kei talavou ʻi homau feituʻú.

ʻI he fatongia ko iá, ne u ako ke kau ki he kuaea ʻa e kau tāutaha lalahi kei talavoú. Naʻe ʻalu e kuaeá ʻi ha koniseti ki Pōlani mo e Lepupelika ʻo Sekí. Ko ha meʻa maʻongoʻonga ia ke aʻusia, pea ne u fiefia he faingamālie ke vahevahe atu ai ʻeku fakamoʻoní ʻi he mūsiká. Naʻá ku toe fiefia ange ʻi he hili ha ngaahi uike peá u maʻu ha ʻī-meili ʻo fakahā mai kuo kau ha taha ki he Siasí makatuʻunga mei heʻemau konisetí.

ʻI heʻeku ngāue ke fakahoko hoku fatongiá, ne u lava ke fakamālohia ai e fakamoʻoni ʻa e niʻihi kehé, pea toe fakamālohia ai foki mo ʻeku fakamoʻoni ki he ongoongoleleí.