Aduna bay mga anghel nga magbalantay?Aduna bay usa nga gipabantay ngari kanako?

Ang termino nga “anghel nga magbalantay” wala gamita diha sa mga kasulatan; hinoon, ang mga anghel gihisgutan isip “tigpangalagad” (tan-awa sa Omni 1:25; Moroni 7:22–29). “Ang mga anghel mamulong pinaagi sa gahum sa Espiritu Santo” (2 Nephi 32:3) ug kasagaran mopakigbahin sa misyon sa Espiritu Santo sa paghupay, paggiya, pagpanalipod sa matinud-anon, ug sa pagpadayag o pagpanghimatuod sa kamatuoran. Sa ingon, ang Espiritu Santo mismo mahimong makonsiderar isip anghel nga magbalantay.

Si Elder Jeffrey R. Holland sa Korum sa Napulog Duha ka mga Apostoles mitudlo: “Gikan sa sinugdanan hangtud ngadto sa mga dispensasyon, ang Dios naggamit sa mga anghel … sa paghatud sa gugma ug kahingawa alang sa Iyang mga anak. … Makita o dili sila anaa kanunay sa duol” (“Ang Pagpangalagad sa mga Anghel,” Liahona, Nob. 2008, 29).

Ang Ginoo wala mopadayag kon ang usa ka piho nga anghel gisangunan ba sa pagbantay sa matag tawo, apan makapaniguro kamo nga ang balaanong panalipod ug paghupay anaa. Kon kamo mopakita og hugot nga pagtuo, makabaton kamo sa tabang sa Dios, lakip na ang mga anghel nga gipadala aron molig-on ug mohupay kaninyo ug mohatag kaninyo og kaisug sa pagbuhat sa matarung.