Pagdala sa Primary ngadto sa Panimalay

Ang mga Panalangin sa Priesthood Anaa alang sa Tanan

Inyong magamit kini nga leksyon ug kalihokan aron makat-on og dugang kabahin sa tema sa Primary karong bulana.

Dihang naghubad si Joseph Smith sa Basahon ni Mormon, siya ug ang iyang tigsulat si Oliver Cowdery dunay pangutana. Nangadto sila sa kakahoyan sa pag-ampo mahitungod niini. Samtang nag-ampo sila, “usa ka sulugoon nga gikan sa langit mikunsad sa usa ka panganod sa kahayag.” Kini nga sulugoon mao si Juan Bautista. Gipandong niya ang iyang mga kamot sa mga ulo nila ni Joseph ug Oliver ug mihatag kanila sa Aaronic Priesthood. Gisugo dayon sila ni Juan Bautista sa pagbunyag sa usag usa. Wala madugay, ang mga Apostoles nga sila si Pedro, Santiago, ug Juan mianhi sa yuta ug miorden kang Joseph ug Oliver sa Melchizedek Priesthood. Ang priesthood sa Dios ania na usab sa yuta. (Tan-awa sa Joseph Smith—Kasaysayan 1:68–72.)

Pinaagi sa priesthood makadawat kita og talagsaong mga panalangin ug mga ordinansa. Kana nga mga panalangin naglakip sa ipanghatag ngadto sa bag-ong natawo nga mga bata, sa masakiton, ug sa mga anak pinaagi sa ilang mga papa ug ubang takus nga mga priesthood. Kinahanglan nga makadawat usab kita sa piho nga mga ordinansa sa priesthood aron makabalik sa Langitnong Amahan. Ang uban niini nga mga ordinansa naglakip sa bunyag pinaagi sa pagpaunlod, pagdawat sa gasa sa Espiritu Santo, ug sagradong mga ordinansa sa templo nga makabugkos sa mga pamilya sa kahangturan. Sa templo usab, ang mga ordinansa ikapahigayon alang sa mga tawo nga patay na nga wala mapanalangini sa ebanghelyo. Ang mga panalangin sa priesthood anaa alang sa tanan!

Kanta ug Kasulatan

• Pagpili og kanta mahitungod sa priesthood gikan sa Songbook sa mga Bata

• Doktrina ug mga Pakigsaad 84:35.

Kamo Lang

Sa Perlas nga Labing Bililhon, paklia ngadto sa Joseph Smith—Kasaysayan 1:68–73. Gamita ang mga bersikulo aron matabangan kamo sa pagsulat sa mga blangko nga naa sa ubos. Sa lain nga papel, isulat ang ubang butang nga inyong nakat-unan gikan sa pagbasa niini nga mga bersikulo.

1. “Ang Priesthood ni Aaron … naghupot sa mga yawe sa pagpangalagad sa , ug sa ebanghelyo sa .”

2. mao ang unang nabunyagan.

3. Oliver Cowdery mibunyag ni .

4. Si Juan Bautista naglihok ubos sa direksyon ni , , ug .

5. Pedro, Santiago, ug Juan sa wala madugay mitugyan sa Priesthood ngadto kang Joseph ug Oliver.

Mga tubag: 1. mga anghel, paghinulsol; 2. Oliver Cowdery; 3. Joseph Smith; 4. Pedro, Santiago, Juan; 5. Melchizedek.

Kalihokan sa CTR Ang Priesthood Makatabang sa mga Tawo

Ang priesthood mao ang gahum sa Dios sa pagpangalagad ug pagpanalangin sa mga tawo pinaagi sa mga ordinansa ug mga panalangin. Niini nga mga litrato, i-drawing ang inyong kaugalingon diha sa eksena.

Ang nanaghupot sa priesthood manalangin ug moapud-apod sa sakrament. I-drawing ang inyong kaugalingon nga naa sa lingkuranan, andam nga moambit sa sakrament.

Ang mga panalangin sa priesthood ikapangalagad sa masakiton. I-drawing ang inyong kaugalingon nga naa sa higdaanan, masakiton.

Ang mga pamilya mabugkos pinaagi sa mga ordinansa sa templo. I-drawing ang inyong pamilya nga naa atubangan sa templo.

Ang bunyag ug pagdawat sa gasa sa Espiritu Santo mao ang mga ordinansa sa priesthood. I-drawing ang inyong kaugalingon nga nagbarug sa atubangan sa font.

Sa wala: Ang Pagpahiuli sa Melchizedek Priesthood, pinaagi ni Kenneth Riley © 1965 IRI; gisukip: Paghulagway pinaagi ni Phyllis Luch © 1988 IRI; Panalangini Sila sa Iyang Ngalan, ni Walter Rane © IRI; sa tuo: paghulagway pinaagi ni Rebecca Miller