Giunsa Nako nga Magpabiling Lig-on sa Ebanghelyo

Ni Tua Rogers

Gibunyagan ko sa dihang 12 anyos ko, ug sulod sa daghang katuigan ako lang ang miyembro sa Simbahan sa akong pamilya. Dili kini kanunay sayon, apan maayo gani kay napanalanginan ko og buotang mga lider kinsa mitabang kanako sa akong panaw sa pagkat-on sa mga doktrina sa ebanghelyo ug sa paggamit niadtong mga doktrina sa paglig-on ug pagpalambo sa akong kinabuhi. Tungod sa akong desisyon nga magpabiling matinud-anon sa akong gituohan, nakasinati ko og talagsaong mga panalangin sa akong kinabuhi ug, sa kaulahian, sa kinabuhi sa mga sakop sa akong pamilya.

Ania ang pipila ka mga butang nga nakatabang kanako nga magpabiling lig-on:

Pagpabiling duol sa Langitnong Amahan pinaagi sa mga kalihokan sama sa pag-ampo ug pagtuon sa kasulatan. Siya nasayud sa mga sitwasyon nga atong giatubang. Ang pagpabiling duol Kaniya nakatabang kanako sa paghinumdom kon si kinsa ko.
Pagsunod sa tambag sa mga lider sa Simbahan. Nakasinati ko mismo sa katinuod sa tambag gikan sa mga propeta ug mga apostoles.
Pagkasayud nga ang pagsunod sa ebanghelyo makamugna og mas maayong kinabui karon ug sa kahangturan. Kini nakatabang kanako nga kanunayng masunod ang akong mga sumbanan ug pagtuo. Ang mga lider nag-awhag kanako nga motambong sa templo, nga maoy nakatabang kanako sa paglantaw sa kinabuhing dayon.
Pagpalibut sa inyong kaugalingon og buotang mga higala nga adunay kapareha og mga sumbanan. Napanalanginan ko og maayong mga higala kinsa nakapasayon sa paghimo og mga desisyon ug nakapalig-on sa akong pagtuo.
Pagpabiling suod sa inyong pamilya. Gihigugma nako ang akong pamilya ug gustong magpalig-on sa relasyon ngadto kanila.
Pagpakabuhi. Sunda ang mga baruganan ug apil sa mga programa sa Simbahan. Kini makatabang kaninyo sa pagpakita sa pagtuo ug paghimo og matarung nga mga pagpili. Ang eksaktong mga pagpili sa kanunay makapasayon sa kinabui, ug kini mas makalipay sa kinabuhi.