Ang Pagpasaylo Makapalipay

Si Presidente Uchtdorf nagtudlo nga kita kinahanglang mopasaylo sa atong mga sakop sa pamilya. Tan-awa kon sa unsang paagi ang mga pagpili nila ni Joseph ug Anna nakaapekto sa ilang pamilya.

Sila si Joseph ug ang iyang manghod, si Anna, nagdula. Gikuha ni Anna ang dulaan ni Joseph. Unsa ang angay buhaton ni Joseph?

Nasuko si Joseph kang Anna. Mihilak si Anna. Gidisiplina si Joseph sa iyang inahan tungod kay iyang giaway ang iyang igsoon. Si Joseph nagbasol sa sayop niya nga pagpili.

Gipasaylo ni Joseph si Anna ug nangita og lain nga dulaan. Silang duha malipayong nagdula. Ang ilang inahan nalipay nga si Joseph mabination sa iyang igsoon nga babaye ug naghatag kanunay og kalinaw sa pamilya. Si Joseph nalipay sa pagpili sa pagpasaylo.

Pagkataud-taud, sila si Joseph ug Anna kinahanglang motabang sa ilang inahan sa pag-andam og panihapon. Si Joseph dili motabang. Unsa ang angay buhaton ni Anna?

Mireklamo si Anna ngadto sa iyang inahan. Si Anna nagbagulbol nga nag-inusarang nagbuhat sa buluhaton. Sa panihapon ang tanan wala maganahi tungod sa reklamo.

Gipasaylo ni Anna si Joseph ug mitabang sa pag-andam sa panihapon. Ang ilang inahan nalipay sa tabang ni Anna. Nalipay ang tanan nga nagkasawo sa panihapon. Maayo ang gibati ni Anna nga siya mipili sa pagpasaylo.

Sa unsang paagi nga ang inyong pagpili sa pagpasaylo makaapekto sa kalipay sa inyong pamilya?

Mga paghulagway pinaagi ni Casey Nelson