Doble nga Panalangin
Himamata si Sophie ug Elodie A. nga taga-Antananarivo, Madagascar.
Ang diyes anyos nga kaluha nga managsoon sila si Sophie ug Elodie nagpuyo sa Madagascar. Usa kana ka lapad nga isla sa layo nga baybayon sa Africa. Dunay paboritong istorya ang ilang pamilya. “Sa unang higayon nga nakahimamat ang akong papa sa mga misyonaryo, nahibalo siya nga tinuod ang Simbahan,” miingon si Elodie. “Dali ra siya nga nakabig.” Nabunyagan ang ilang mama pipila ka bulan human niadto.
Sa wala pa matawo ang mga babaye, nagpuasa ug nag-ampo ang ilang mga ginikanan nga makaanak sila og babaye. “Ug imbis usa ka babaye, nanganak si Mama og duha,” miingon si Sophie.
Doble kini nga panalangin sukad masukad!
Ang pamilya ni Sophie ug ni Elodie nagtigom og kwarta sulod sa tulo ka tuig aron makabiyahe ngadto sa Templo sa Johannesburg South Africa Temple aron mabugkos. Gibiyahe nila ang kapin sa 1,300 ka milyas (2,100 kilometros) ug tabok sa Indian Ocean aron makaabut didto.
Ang mama sa mga bata dunay medical clinic tapad sa ilang balay. Motabang sila sa pagpanilhig ug pagtabang nga kini limpyo kanunay.
Sa bandila sa Madagascar, ang puti nagrepresentar sa kaputli, ang pula nagrepresentar sa pagka-independente, ug ang green nagrepresentar sa paglaum.
Sila si Sophie ug Elodie dunay duha ka iring, ug ganahan silang magkugos-kugos niini.
Ang lemurs ug chameleons mao ang duha ka hayop nga naa sa Madagascar.
Mga litrato sa pamilya pinaagi ni Richard M. Romney; ang ubang mga litrato pinaagi ni Craig Dimond © IRI; iStockphoto.com/GlobalP; iStockphoto.com/Lipowski