Fakamoʻoni Makehe
Teu lava fēfē ʻo hoko ko ha fakamoʻoni ʻo Sīsū Kalaisi?
Liliu mei he “Hoko ko ha Fakamoʻoni ʻo Kalaisi,” Liahona, Maʻasi 2008, 58–63.
ʻOku ui ʻa e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá ko e kau fakamoʻoni makehe ʻo Sīsū Kalaisi.
ʻOku tau hoko ko e kau fakamoʻoni ʻo Sīsū Kalaisi ʻi he taimi ʻoku tau moʻui ai ke hā atu ʻiate kitautolu ʻEne ngaahi akonakí. ʻOku totonu ke Ne hā atu mo Hono ngaahi halá ʻi he anga ʻo ʻetau ngāué, leá, fōtungá, pea mo ʻetau fakakaukaú foki.
ʻOku tau hoko ko e kau fakamoʻoni ʻo Sīsū Kalaisi ʻi he taimi ʻoku tau talanoa ai ki he niʻihi kehé ʻo kau ki he anga ʻo ʻetau ngaahi ongo kiate Iá.
ʻOku tau hoko ko e kau fakamoʻoni ʻo Sīsū Kalaisi ʻi he taimi ʻoku tau moʻui ai pea fofonga fiefia ʻo hā ai ʻetau tui kiate Iá.
ʻOku tau hoko ko e kau fakamoʻoni ʻo Sīsū Kalaisi ʻi he taimi ʻoku tau fai ai ʻetau fakamoʻoní ki he niʻihi kehé mo tokoniʻi kinautolu ke nau ʻiloʻi mo muimui kiate Ia.
Tā fakatātā ʻa Becca Scholes