Tohi ki he ʻĒtitá

ʻOku ʻi he Liahoná e Ngaahi Talí

Ko ha mēmipa au naʻe fāʻeleʻi pē ʻi he Siasí. Taimi ʻe niʻihi ʻoku ʻikai te u mahuʻingaʻia ʻi he ngaahi tāpuaki lahi ʻo e ongoongoleleí ʻi heʻeku moʻuí. Ka ʻi heʻeku fakakaukau atu ki he ngaahi meʻá ni, ʻoku ou ʻiloʻi he ʻikai teitei feʻunga ʻeku fakamālōʻia ʻeku Tamai Hēvaní ʻi he meʻa kotoa ko ia ʻoku ou maʻú. Ko e taha ʻo e ngaahi tāpuaki ko iá ʻa e makasini Liahoná , naʻe ʻomi ʻi he ueʻi ʻa e Laumālié. ʻOku fakaofo ʻeku maʻu ʻa e ngaahi tali tonu pē ko ia ʻoku ou fie maʻú ʻi he taimi kotoa pē ʻoku ou lau ai iá. ʻOku ou fakamālō atu ʻi he ngaahi pōpoaki ko ʻení.

Lutimila L., taʻu 13, ʻĀsenitina

ʻOku Tupulaki ʻEtau Ngaahi Fakamoʻoní

Kuo liliu ʻe he Liahoná ʻeku moʻuí mo e moʻui ʻa hoku fāmilí. Ko ha meʻangāue mahuʻinga ia, he ʻoku lava ke ako pea maʻu ʻe ha taha ʻa e ʻiló mei ai. Fakamālō ki he makasiní he ʻoku fakamālohia ai kimautolu, pea tupulaki ʻemau fakamoʻoni ki he Siasí.

ʻAna Māsela ʻEkeniki Hoiosi, Kolomupia