Aʻu mai ʻi Sānualí–Haʻu ʻo Muimui ʻIate Au: Maʻuʻanga Tokoni Fakaako ʻa e Toʻu tupú
Founga Ke Tau Ako Fakataha ai ʻi he Founga ʻa e ʻEikí
Toʻu tupú
ʻOku kau ki he ako he founga ʻa e ʻEikí, ʻa e haʻu ki he kalasí kuo mateuteu ke akó, fekumi he folofolá mo e ngaahi lea ʻa e kau palōfitá, fakamatalaʻi e moʻoni ʻo e ongoongoleleí ki he niʻihi kehé pea mo hono vahevahe ʻa e founga ʻoku tākiekina ai ʻe he ongoongoleleí ʻa hoʻo moʻuí.
Kau Faiakó
ʻI hoʻo mahuʻingaʻia fakatāutaha ʻi he moʻui hoʻo fānau akó, ʻe mahino ai kiate koe ʻa ʻenau ngaahi fie maʻú, fokotuʻu ai ha vā fetuʻutaki, pea faʻu ai ha aʻusia fakaako ʻe malava ke nau ului fakatāutaha ai. ʻE tokoni atu e nāunau fakalēsoni foʻoú ke mahino kiate koe ʻa e tokāteliné mo ʻoatu ha ngaahi fakakaukau ki hono fakakau mai ʻo e toʻu tupú ʻi he akó. Ko e faiako he founga ko ʻení ʻoku ʻikai ko ha malanga ʻataʻata pē ka ko ha fetalanoaʻaki ʻoku tataki ʻe he Laumālié.
Ongomātuʻá
ʻE tokoni atu hoʻo tokanga fakatāutaha ki he meʻa ʻoku ako ʻe hoʻo fānaú ke ke tokoni ai ke nau fatongiaʻaki pē ʻenau akó. ʻE fakaafeʻi mai hoʻo fānaú ke nau akoʻi ki homou fāmilí e meʻa ʻoku nau akó. ʻI hoʻo ʻoange kiate kinautolu ha ngaahi faingamālie ke fai peheé, ʻe tupulaki ai ʻenau fakamoʻoní mo ʻenau malava ke vahevahe atu ʻa e ongoongoleleí.
Kau Taki Kakai Lalahi ʻo e Toʻu tupú
ʻOkú ke fatongiaʻaki e founga hono fakahoko ʻo e nāunau fakalēsoni ko ʻení ʻi homou uōtí pe koló. ʻI he hokohoko atu hono fai ʻo e akó mo tā ha sīpinga ʻo e faiako he founga ʻa e ʻEikí, ʻe ohi mai leva ʻe he kau faiakó ʻa e faʻahinga founga fakafaiako ko ʻení. Fakatefito hoʻo tokangá he ngaahi fie maʻu ʻa e toʻu tupú pea feinga ke maʻu ha founga ke tokoni ki hono aleaʻi e ngaahi fie maʻu ko ʻení ʻe he toʻu tupú, ngaahi mātuʻá, kau takí mo e kau faiakó. ʻE tokoni e nāunau fakalēsoni foʻou ko ʻení ki hono fakaului ʻo e toʻu tupú ʻi homou uōtí pe koló.