Ko ʻEtau Pēsí

ʻOku Nau Fie Siofia ʻa e Temipalé

Naʻe ʻaʻahi ʻa e fānau Palaimeli ʻo e Uooti La Fololita ʻi Sanitiako, Silei, ki he kelekele ʻo e temipalé, mo ʻenau kau taki Palaimelí mo e kau mēmipa ʻo e kau pīsopelikí. Naʻá nau talanoa ki he taumuʻa ʻo e ngaahi temipalé ʻi heʻenau sio takai ʻi he ngaahi ngoue fakaʻofoʻofa, pea nau hivaʻi ʻa e “Fie Siofia ha Temipale” (Tohi Hivaʻa e Fānaú, 99). Naʻá nau toe sio foki ʻi ha foʻi vitiō ki he moʻui ʻa Sīsū Kalaisí.

Te u Ako ʻo Kau ki he Palōfita ko Siosefa Sāmitá

Naʻa mau ako ʻi he Palaimelí ʻa e “Ko e Fua Lotu ʻa Siosefá” (Ngaahi Himi fika. 14), pea ʻoku hoko ia he taimí ni ko e himi ʻoku ou manako taha aí. Te u fakamatalaʻi ʻa e talanoa ki he Vao ʻAkau Tapú ki he kakai ʻoku ou akoʻí ʻi he taimi te u hoko ai ko ha faifekaú. ʻOku ou ʻofa ʻia Sīsū Kalaisi mo e Palōfita ko Siosefa Sāmitá. ʻOku ou ʻiloʻi oku moʻoni ʻa e Siasí.

ʻAkiseli C., taʻu 5, Pelū

Ko e Vao ʻAkau Tapú, tā ʻe Axcel C.

ʻOkú Ne Manako ʻi he Efiafi Fakafāmili ʻi ʻApí

ʻI he hili pē hono papitaiso ʻo Helenā C., taʻu 9, mei Kosita Lika ʻe heʻene tamaí naʻá ne ongoʻi ko ha mēmipa ia ʻo e Siasí. ʻOkú ne manako ʻi he ngaahi lēsoni efiafi fakafāmili ʻi ʻapí ʻoku kau kia Sīsū Kalaisí. ʻOkú ne manako foki ʻi he ʻalu ki he akó mo e vaʻinga mo hono ngaahi kaungāmeʻá.

Haʻu ki he Temipalé

ʻOku ʻoatu ʻeku pōpoaki talamonū mei he temipalé. Ko ha ʻaho fakaʻofoʻofa moʻoni ʻeni ne u ʻalu ai mo ha fānau kehe mei he Siteiki Lipetati ʻEkuatoá ʻo ʻaʻahi ki he kelekele ʻo e Temipale Huakueili ʻEkuatoá. ʻOku mau fakaafeʻi ʻa e fānau kotoa pē ʻi he māmaní ke nau ʻalu ʻo sio ʻi he temipalé kapau te nau lava—ko ha feituʻu fakaʻofoʻofa ʻaupito ia.

ʻAita V., taʻu 10, ʻEkuatoa

Ko e Kilisimasí ʻEni—Kuo ʻAloʻi ʻa Kalaisi, tā ʻe ʻOlutūkiū O., taʻu 9, Naisīlia

Toe Fakafoki Mai ʻo e Lakanga Taulaʻeiki Faka-ʻĒloné, tā ʻe Felipe L., taʻu 12, Palāsila

Ko ha Chigiri-e ʻo Palesiteni Monisoni

Naʻe ngāue ʻa e fānau Palaimeli ʻo e Uooti Fusi ʻi Sisuoka ʻi Siapaní ʻi ha māhina ʻe ono ʻo faʻu ha chigiri-e, ʻaki ha pepa naʻa nau haehae ʻaki honau nimá ʻo fakapipiki ke maʻu ai ʻa e ʻīmisi ʻo Palesiteni Tōmasi S. Monisoni. Naʻe fie maʻu ki ai ha taimi mo ha ngāue lahi, ka naʻe ngāue fakataha ʻa e tokotaha kotoa pē lolotonga ʻenau fakakaukau mo ako ke nau ʻiloʻi ʻa Palesiteni Monisoni.