Bonnie L. Oscarson

Peresideni rahi no te Feia Apî Tamahine

Ua tavini Bonnie Lee Green Oscarson ei vahine o te peresideni hiero no Stockholm Suède mai te matahiti 2009 e tae atu i te matahiti 2012, e ua ite oia i te Feia Mo‘a i te Mau Mahana Hopea Nei no Suède, no Norvège, e no Latvia i te faatusiaraa ia ratou no te haamori i roto i te fare o te Fatu.

Tera râ, i taua taime ra, aita oia i ite e, te haapiiraa ta’na e apo nei mai roto mai i teie mau melo « haehaa, e te haapaʻo maitai » e tauturu ïa ia’na ia riro mai ei peresideni rahi no te Feia Apî Tamahine.

Te parau ra oia e, « No te mea hoʻi e, e rave rahi feia apî tamahine e maʻiti nei ia tavini ei misionare e ia haere i te hiero i te matahiti apî aʻe, te tiʻaturi nei au e, te iteraa tei roaa ia’u na roto i te raveraa i te ohipa i roto i te hiero, e tauturu te reira ia’u ia haroʻaroʻa e nahea ia tauturu ia ratou ia faaineine ia ratou ».

Ua fanauhia Bonnie Lee Green i te avaʻe atopa 1950 i Roto Miti, ia Theo James e o Jean S. Green. I te taime a hinaaro ai to’na na metua e faaite i ta raua mau tamarii i te parau no te Ekalesia i rapae ia Utaha, ua haere o Bonnie e iva matahiti e to’na utuafare e faaea i Oklahoma, te mau Hau Amui no Marite. Ua noho atoa te utuafare i Colorado e i Tennessee hou a reva’tu ai i Missouri, i reira to Bonnie mâtauraa ia Paul Kent Oscarson i te vahi tiʻaraa hiero i Far West, Missouri—hoê vahi taa ê roa no te mea, e tupuna to raua toopiti atoa ra tei ora na i Far West.

I muri aʻe i te tau haapiiraa i Brigham Young University, ua faaipoipo raua i te 19 no titema 1969, i roto i te hiero no Roto Miti ; e hitu ta raua tamarii.

E 25 matahiti noa to te tuahine Oscarson a piihia ai ta’na tane—tei tavini i te misioni i roto i te misioni no Suède mai te matahiti 1965 e tae atu i te matahiti 1968—no te faatere i te misioni no Suède Göteborg.

Ia hoʻi mai te utuafare Oscarsons i te mau hau amui no Marite, ua ora ratou i Missouri, i New Jersey, i Massachusetts, e i Texas, i reira te taeaʻe Oscarson i te raveraa i te ohipa ei mono peresideni retioni no te hoê fare toa. Mai to’na na metua, ua farii te tuahine Oscarson i te oaoa rahi i te oraraa i te mau vahi e mea iti roa te mau melo o te Ekalesia.

Ua tavini te tuahine Oscarson ei peresideni no te Feia Apî Tamahine e toru raime, ei orometua no te « séminaire » i te poʻipoʻi e iva matahiti te maoro, e ei orometua haapii no te feia paari i roto i te haapiiraa Sabati.