Elder S. Gifford Nielsen

No te Hitu Ahuru

E ohipa au na Elder Stanley Gifford Nielsen te ohipa tuaro, e ere râ te reira i te ohipa faufaa roa aʻe i roto i to’na oraraa. Te tiʻaturi nei oia e, e mea faufaa ia faaau maitehia te mau mea atoa, e ua riro te evanelia ei niu no te oaoa i teie nei e a tau e a hiti noa’tu.

Ua fanauhia oia i te avaʻe atopa 1954 ia Harry e o Lois Nielsen, ua ora oia i Provo, Utah, te mau Hau Amui no Marite, e hope noa’tu ta’na haapiiraa tuarua. Ua haapii to’na na metua ia’na i te mau faufaa i faatumuhia i niʻa i te evanelia tei riro ei arataʻi i to’na oraraa.

I muri aʻe i te hoê pêpêraa rahi to’na i titauhia ai ia’na ia faaea i ta’na ohipa faahoro popo i te haapiiraa tuatoru, ua parau Elder Nielsen e, ua haapii mai oia e, te mau mea faufaa roa aʻe i roto i te oraraa, eita ïa e rave-ê-hia na roto i te hoê pêpêraa.

I muri aʻe i te oraraa te vahi pêpê, ua haʻuti oia ei taata taora i roto i te taatiraa Faahoro popo no te fenua (NFL), tera râ, ua mau ta’na ohipa faahoro popo e toru matahiti i muri aʻe. Ua faaooohia oia e te taata. Ua tae i te taime no te feruriraa e no te imiraa e, eaha mau ta’na e tiʻaturi ra. « Ua haapii mai au e, eita roa te Faaora e faaruʻe ia outou, noa’tu â te ohipa », te na reira ra Elder Nielsen, e ora nei i Sugar Land, Texas.

Ua tamata oia i te faaau i to’na oraraa i niʻa i te papaʻiraa moʻa i roto i te Mataio 5:14–16 : « Ia anaana ïa i mua i te aro o te taata nei, ia hiʻo ratou i ta outou parau maitai, e ia haamaitai i to outou Metua i te ao ra ».

 « Ua matara te rima o te Fatu ia outou na », te parau ïa a Elder Nielsen. « E here outou Ia’na na roto i te haapaʻoraa i te evanelia ».

I te fare haapiiraa tuarua to’na farereiraa ia Wendy Olsen. Ua faaipoipohia raua i roto i te hiero no Provo Utaha i te 23 no eperera 1975. Ua roaa mai ta’na parau tuʻite no te aparauraa, i roto i te fare haapiiraa teitei no Brigham Young University. Oia te taata taora no te Houston Oilers, e e raatira tuaro no KHOU television hou a piihia ai oia ia tavini tamau i roto i te Ekalesia.

E ono ta’na tamarii, ua tavini Elder Nielsen ei orometua haapii no te « séminaire », ei peresideni no te Feia Apî Tamaroa, ei peresideni no te pŭpŭ peresibutero, ei episekopo, e ei peresideni tĭtĭ. Te tavini ra oia ei Hitu Ahuru Area i te taime a piihia ai oia i roto i te pŭpŭ Hitu Ahuru matamua.