Elder Arnulfo Valenzuela

No te Hitu Ahuru

Ua paari o Elder Arnulfo Valenzuela i roto i te pŭpŭ taata momoni i Chihuahua, Mexico, e ua farii i te parau tuʻite no te fare haapiiraa a te Ekalesia i Juárez. I roto i to’na tamariiraa ua arataʻihia oia na te mau tane e te mau vahine haapaʻo i te evanelia e i te taviniraa o te Fatu.

Ua riro te mau haapiiraa tei apohia mai e ana i roto i taua vahi faahiahia ra o te Ekalesia i Amerika Ropu ei tauturu rahi noʻna i roto i ta’na mau hopoiʻa ei melo no te pŭpŭ matamua no te Hitu Ahuru.

« Ua haamaitaihia vau no teie piiraa rave tamau ia tavini i te Fatu », ta’na ïa parau.

Ua fanauhia o Arnulfo i te avaʻe me 1959 ia Gilberto e o Rosa Valenzuela, e ua afaʻihia oia i te pureraa i to’na apîraa ra. I te 19 o te matahiti ua farii oia i te piiraa i roto i te Misioni no Mexico Veracruz. I roto i taua fenua nehenehe ra no Mexico ua ite oia i te oaoa o te ohipa pororaa evanelia i te mau mahana atoa e te oaoa i te aniraa ia vetahi ê ia haere mai i te Mesia ra.

I muri noa iho i ta’na misioni, ua haere atu oia e farerei i te hoê utuafare ta’na i bapetizo, tei haere e noho i te oire no Mexico. Te taata i pihaʻi iho mai i teie utuafare, o Pilar Porras ïa, te hoê melo haapaʻo maitai tei faafariuhia mai i roto i te Ekalesia. Ua riro mai o Arnulfo e o Pilar ei na hoa rahi e aita i maoro ua haamata raua i te arapae. Ua faaipoipohia raua i roto i te hiero no Mesa Arizona i te 6 no eperera 1982, i te tau aita â e hiero i to ratou fenua.

Ua fanau raua e toru tamarii, ma te tavini tamau noa i roto i te Ekalesia, e a ite noa ai raua ia Mexico ia riro mai ei nunaa taata no te hiero. « Aita matou i manaʻo e e tiʻa mai 12 hiero i Mexico nei, e hoê e patuhia nei », ta’na ïa parau.

I te mau tau a riro ai oia ei episekopo, ei tauturu i roto i te peresideniraa tĭtĭ e i te peresideniraa misioni, e ei Hitu Ahuru Area, ua ite o Elder Valenzuela i te faahiahia o te haapaʻo o te mau melo e rave rahi no Mexico o tei hinaaro ia horoʻa i ta ratou mau mea atoa no te ohipa a te Fatu.

Ua farii o Elder Valenzuela i te parau tuʻite no niʻa i te matuturaa faufaa e te faatereraa, i te fare haapiiraa tuatoru no Mexico, e ua mau i te mau tiʻaraa faatere rau no te mau taiete na te ao nei.