Elder Adrián Ochoa

No te Hitu Ahuru

A tavini ai oia ei Hitu Ahuru Area i Mexico, ua faaearii o Elder Adrian Ochoa tau mahana i roto i te oire no Chihuahua no te farerei i te peresideni tĭtĭ e ia veahi ê atu, e i muri iho ua taʻuma i niʻa i te manureva no te hoʻi i te fare. Tera râ, ia parahi atu oia i niʻa i to’na parahiraa ua tupu maira te hoê faaûruraa e, aita ta’na ohipa i Chihuahua i oti.

Te rave ra te mau tuati manureva i te mau faaineineraa no te faarevaraa o te manureva. « Tera râ », te parau ïa a Elder Ochoa, « ua ite au e, e mea tiʻa ia’u ia pou i rapae i te manureva ». No reira, ua pou mai oia. Ua rtavehia te tahi mau uiuiraa e ua matara mai te mau haamaramaramaraa faufaa tei faatitiaifaro i te hoê fifi e ua tiʻa i te hoê utuafare ia haere i mua i te pae varua.

Tera râ, aitâ te ohipa a Elder Ochoa i oti i Chihuahua. Ua arataʻi atoa te Varua ia’na i roto i te utuafare haehaa o te hoê fetii no’na e rave rahi matahiti aita oia i ite ia’na. Ua farerei oia i to’na fetii—e melo mauiui—e to’na utuafare naʻinaʻi i roto i te peʻapeʻa. « Ua ite au e, te Ekalesia e te Mesia to ratou raveʻa. Ua taparu vau i to’u taeaʻe ia hoʻi mai i te pureraa », ta’na ïa parau.

Ua hoʻi faahou mai to’na taeaʻe, e ua tupu faahou te hoê auraa utuafare maitai. Ua tiʻa i te Fatu ia faaora e rave rahi oraraa i Chihuahua no te mea ua haapaʻo te hoê taata i te muhumuhu a te Varua.

E farii te mau taata atoa i te mau muhumuhu a te varua mai teie te huru no te taui i te oraraa, te faaiteraa papû ïa a Elder Ochoa, tei tavini i roto i te mau piiraa rau i roto i te Ekalesia, a rave ai oia i te ohipa i roto i te ohipa faatianiraa. Ua faatere oia i te misioni no Honduras San Pedro Sula mai te matahiti 2004 e tae atu i te matahiti 2007 e mai te matahiti 2009 e tae atu i te taime a piihia ai oia i roto i te pŭpŭ piti o te Hitu Ahuru, ua tavini ei tauturu piti i roto i te peresideniraa rahi no te Feia Apî Tamaroa.

Ua fanauhia oia i te avaʻe mati 1954 i San Francisco, California, te mau Hau Amui no Marite, ia Eduardo e o Consuelo Ochoa, ua paari oia i California e i Mexico. I to’na taurearearaa ua piihia oia ia haapaʻo i te haaparareraa parau i Mexico. Ua taatihia oia e ta’na vahine, Nancy Villared, i roto i te hiero no Mexico. E pae ta raua tamarii.