Te mau haapiiraa no to tatou anotau

Te mau haapiiraa no te maha o te sabati a te Autahu‘araa a Melehisedeka e a te Sotaiete Tauturu tei roto ia i « Te mau haapiiraa no to tatou anotau » E nehenehe i te mau haapiiraa tata‘itahi e faaineinehia na roto mai i te hoê e aore râ e hau atu a‘oraa i horo‘ahia i roto i te amuiraa rahi i tupu a‘enei. E nehenehe i te mau peresideni tĭtĭ e mataeinaa e ma‘iti i te mau a‘oraa e ti‘a ia faaohipahia, e aore râ e horo‘a i teie hopoi‘a i te mau episekopo e i te mau peresideni amaa. E mea ti‘a i te feia faatere ia tura‘i noa i te faufaa ia tuatapapa te mau taea‘e o te Autahu‘araa a Melehisedeka e te mau tuahine o te Sotaiete Tauturu i te hoê â mau a‘oraa i te hoê â sabati.

Te feia e haere mai nei i te mau haapiiraa o te maha o te sabati, te faaitoitohia nei ratou ia tuatapapa e ia afa‘i mai i roto i te piha haapiiraa i te ve‘a no te amuiraa rahi i tupu a‘enei.

Te mau mana‘o no te faaineineraa i te haapiiraa no roto mai i te hoê a‘oraa

A pure ia vai mai te Varua Maitai ia outou ra a tuatapapa ai outou e a haapii ai i te (mau) a‘oraa.

A hi‘opo‘a maite i te (mau) a‘oraa, ma te imi i te mau parau tumu e te mau haapiiraa tumu o te pahono i te mau hinaaro o te mau melo o te piha haapiiraa. A imi atoa i te mau aamu, te mau faahororaa papa‘iraa mo‘a, e te mau faahitiraa parau no roto mai i te (mau) a‘oraa o te tauturu ia outou ia haapii i teie mau parau mau.

A faanaho mai i te mau reni rarahi e nahea e haapii i te mau parau tumu e te mau haapiiraa tumu. A feruri ia faaineine atoa i te mau uiraa o te tauturu i te mau melo o te piha haapiiraa :

A imi i te mau parau tumu e te mau haapiiraa tumu i roto i te (mau) a‘oraa.
A feruri i te auraa o te reira.
A faaite i te mea i maramaramahia, te mau mana‘o, te mau iteraa rau, e te mau iteraa papû.
A faaohipa i teie mau parau tumu e teie mau haapiiraa tumu i roto i to ratou oraraa.

E haapiihia te mau haapiiraa o te ava‘e	Te mau materia no te haapiiraa no te maha o te sabati
Eperera 2013–Atopa 2013	Te mau a‘oraa tei horo‘ahia i te amuiraa rahi no eperera 2013*
Atopa 2013–Eperera 2014	Te mau a‘oraa tei horo‘ahia i te amuiraa rahi no atopa 2013*