Notebook sa Abril 2013 nga Komperensya

“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38).

Samtang kamo magribyu sa kinatibuk-ang komperensya sa Abril 2013, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.

Sa pagbasa, pagtan-aw, o pagpaminaw sa mga pakigpulong sa kinatibuk-ang komperensya, bisitaha ang conference.lds.org.

Propetikanhong mga Pulong sa Moral nga mga Kamatuoran

“Ang Dios mipadayag ngadto sa Iyang mga propeta nga adunay moral nga mga kamatuoran. Ang sala sa kanunay sala gyud. Ang dili pagsunod sa mga sugo sa Ginoo kanunay nga makapahikaw sa Iyang mga panalangin. Ang kalibutan kanunay nga dunay kausaban, apan ang Dios, ang Iyang mga sugo, ug gisaad nga mga panalangin dili mausab. … Kinahanglang dili kita mopili unsa nga mga sugo sa atong hunahuna ang importante nga sundon apan sa pagsunod sa tanang mga sugo sa Dios. Kinahanglang magbarug kita nga lig-on ug makanunayon, magbaton og pagsalig sa pagkamakanunayon sa Ginoo ug hingpit nga pagsalig sa Iyang mga saad.”

Elder L. Tom Perry sa Korum sa Napulog Duha ka mga Apostoles, “Kalingkawasan ang Pagsunod sa Balaod,” Liahona, Mayo 2013, 88.

Imbitasyon sa Misyonaryo: Pahimusli ang Panahon

• “Kamong mga batan-on, gamita ang inyong bag-ong kurikulum ug magtinudloay sa doktrina ni Jesukristo. Karon ang inyong panahon sa pag-andam nga makatudlo sa uban bahin sa kamaayo sa Dios.

• “Mga kabatan-onan, ang inyong edukasyon importante gayud—kanamo, kaninyo, ug sa Dios. … Awhagon ko kamo sa pag-aplay daan sa institusyon nga gusto ninyo sa dili pa magmisyon.

• “Mga ginikanan, magtutudlo, ug uban pa, pahimusli ang panahon samtang giandam ninyo ang atong bag-ong henerasyon nga mahimong takus sa pagmisyon. Sa pagkakaron, ang inyong ehemplo makaagni sa interes sa inyong mga higala ug silingan.

• “Kamong mga hingkod na, pahimusli ang panahon sa pagtabang alang sa espiritwal, pisikal ug pinansyal nga pagpangandam sa umaabut nga mga misyonaryo.

• “Kamong mga senior nga magtiayon, planoha kanus-a kamo magmisyon.

• “Mga presidente sa stake ug mga bishop … naghupot og yawe sa responsibilidad alang sa misyonaryo nga buhat sa ilang mga unit.

• “Kamo nga mga ward mission leader … ang sumpay tali sa mga miyembro ug mga misyonaryo niining sagradong buhat sa pagluwas sa mga anak sa Dios.”

Elder Russell M. Nelson sa Korum sa Napulog Duha ka mga Apostoles, “Pahimusli ang Panahon,” Liahona, Mayo 2013, 45, 46.

Sulati ang Blanko

1. “Ang kangitngit dili magmadaugon sa ______________ ni Kristo” (Dieter F. Uchtdorf, “Ang Paglaum sa Kahayag sa Dios,” Liahona, Mayo 2013, 77).

2. “Ang Simbahan mao ang _____________ diin ang mga sumusunod ni Kristo makaangkon og kalinaw” (Quentin L. Cook, “Personal nga Kalinaw: Ang Ganti sa Pagkamatarung,” Liahona, Mayo 2013, 34).

3. “Kitang adunay mortal nga lawas adunay ____________ niadtong wala” (Boyd K. Packer, “Niini nga mga Butang Ako Nasayud,” Liahona, Mayo 2013, 8).

4. “Kon atong gibaliwala ang pasalig ug pagkamaunungon ngadto sa atong ___________ _________, atong gitangtang ang butang nga naghiusa sa katilingban” (L. Tom Perry, “Kalingkawasan ang Pagsunod sa Balaod,” Liahona, Mayo 2013, 87).

5. “Kon dili kamo full-time nga misyonaryo nga dunay name tag, karon ang panahon sa pagbutang og usa niini sa inyong ____________” (Neil L. Andersen, “Usa Kini ka Milagro,” Liahona, Mayo 2013, 78).

Mga tubag: 1.kahayag; 2.dangpanan; 3. gahum; 4.kaparis sa kaminyoon; 5. kasingkasing.

Pagmaalamon kon Unsaon Ninyo Paggamit ang Teknolohiya

• “Sa pagpakigbahin, ang kabatan-onan sa Boston nagsugod og pipila ka blog. Kadtong nagpamiyembro sa Simbahan nagsugod sa pagkat-on diha sa internet, gisundan sa mga diskusyon sa mga misyonaryo. … Usa sa mga [blogger] miingon ‘Dili kini misyonaryo nga buhat. Makalingaw kini.’”¹

• “Nganong dili mogahin og panahon matag adlaw nga ipadaplin una ang teknolohiya ug makigsuod sa matag usa? Palunga lang ang tanan.”²

• “Markahi ang importante nga mga kasulatan sa inyong device ug balik-balika kini sa pagbasa. … Makamemorya na unta kamo og gatusan nga mga tudling sa kasulatan. Kadto nga mga tudling mahimong gamhanan nga tinubdan sa inspirasyon ug giya sa Espiritu Santo sa panahon sa panginahanglan.”³

Mubo nga mga sulat

1. Neil L. Andersen, “Usa Kini ka Milagro,” Liahona, Mayo 2013, 79.

2. Rosemary M. Wixom, “Ang mga Pulong nga Atong Isulti,” Liahona, Mayo 2013, 82.

3. Richard G. Scott, “Alang sa Kalinaw sa Panimalay,” Liahona, Mayo 2013, 30.

Pagtabang sa Kabus ug Timawa

Ginamit ang pundo nga gidonar sa manggihatagon nga mga miyembro, Ang Simbahan ni Jesukristo sa mga Santos sa Ulahing mga Adlaw mopadala og pagkaon, sinina, ug ubang importanting mga butang aron sa paghupay sa pag-antus sa mga hamtong ug mga bata sa tibuok kalibutan. Kining humanitarian nga mga donasyon, nga moabut og gatusan ka minilyon ka dolyares sa katapusang dekada, gihimo nga wala magkonsiderar og relihiyon, kaliwat, o nasyonalidad. … Sa katapusang kwarter sa siglo nakatabang kita og dul-an sa 30 ka milyon sa 179 ka nasud.”

Elder Dallin H. Oaks sa Korum sa Napulog Duha ka mga Apostoles, “Mga Sumusunod ni Kristo,” Liahona, Mayo 2013, 98.

• Mga Istorya gikan sa Komperensya