Hi! Ako si Will gikan sa Taiwan

Gikan sa usa ka interbyu uban ni Amie Jane Leavitt

Aduna ka bay bisan unsang paborito nga mga kalihokan sa pamilya? Si Will ug ang iyang igsoon, nga si Allen, malingaw sa paggahin sa mga Sabado uban sa ilang pamilya nga mosuhid og bag-o nga mga dapit sa mga isla sa Taiwan, diin sila nagpuyo.

Ang Taiwan adunay daghang makalingaw nga mga holiday ug pista. Sa Septyembre, among isaulog ang Piyesta sa Bulan [Moon Festival]. Ang among tibuok pamilya magpundok, ug mangaon kami og lamian nga mga moon cake, nga mga kalamay nga gibutangan og pula nga bean o liso sa lotus.

Sa Taiwan, kanunay kami makahigayon sa paghimo sa misyonaryo nga buhat. Sa eskwelahan, motudlo ko sa akong klase sa usa ka butang nga akong nasayran bahin sa pagkamatinuoron. Gitudloan nako sila unsaon sa pagkanta sa kanta sa Primary nga “Mobarug alang sa Matarung.”

Sa dili pa kami matulog, mobasa kami sa mga kasulatan isip pamilya. Si Allen ganahan kaayo sa istorya ni Moises ug ang bitin nga tumbaga. Ang akong paborito nga istorya mao ang pagpahimangno sa Ginoo ni Lehi sa pagbiya sa Jerusalem ug misulti ni Nephi sa paghimo og barko nga moadto sa yuta nga saad.

Human sa klase, ang akong igsoong lalaki ug ako maglakaw pauli uban sa among lolo. Maghimo mi sa among homework ug manihapon uban sa akong mama ug papa. Ang akong paborito nga pagkaon mao ang beef noodles ug kang Allen ang fried rice. Ganahan usab kaming duha sa tam-is nga pagkaon.