Diha sa Dalan
Pagsuhid sa Nauvoo
Kuyog aron makakita sa usa ka importanting dapit sa kasaysayan sa Simbahan!
Ang abug hinay nga moulbo samtang maglakaw kamo sa dalan. Makita ninyo ang kahayag sa adlaw nga moaninag sa Suba sa Mississippi. Dayon moagi ang kabayo nga nagbira sa karwahe. Nakabalik ka ba sa karaang panahon? Wala, kamo nagbarug sa Parley Street sa Nauvoo, Illinois.
Niadtong 1839 si Propeta Joseph Smith ug ang unang mga miyembro sa Simbahan mipuyo sa Nauvoo ug nagtukod og usa ka matahum nga siyudad ug templo. Sila nagpuyo dinhi hangtud sa mga tunga-tunga niadtong 1840, sa dihang nagsugod sila sa ilang panaw ngadto sa kasadpan.
Ang mga Santos gani mihimo sa ilang kaugalingong nindot nga mga butones.
Ang pulong Nauvoo gikan sa Hebreohanon nga pulong nga nagpasabut nga “matahum nga dapit.” Ang Nauvoo adunay matahum nga mga tanaman, mga building sa bika, ug berde nga mga umahan.
Daghan nga mga building sa Nauvoo ang gipahiuli na. Ang mga misyonaryo nga nagsul-ob sa sinina sa 1840s mosulti sa mga bisita kabahin sa unang mga Santos. Makasulay mo sa gingerbread cookie diha sa Scovil Bakery o motan-aw kon giunsa paghimo ang mga sapatos diha sa boot shop.
Ang papel ug selyo mahal, busa migamit ang mga tawo og “cross writing” sa ilang mga sulat. Mosulat sila sa usa ka direksyon, dayon balihon ang papel ug mosulat sugat niini. Sulayi kini ug tan-awa kon kamo makabasa ba sa inyong sinulatan!
Magkinahanglan og tulo ka mga tawo sa paghimo og pisi sa paagi nga ang mga pioneer mihimo niini!
Sa eskwelahan, ang mga bata mosulat ginamit ang tisas diha sa pisarang bato.
Ang Templo sa Nauvoo nagbarug diha sa bungtod nga nagalantaw sa siyudad ug sa suba. Pagbasa og dugang kabahin sa templo sa isyu sa sunod bulan!
Ang mga kandila gihimo pinaagi sa paghigot sa hilo sa usa ka bato ug dayon pagtuslob niini sa tambok sa hayop balik-balik.
Ang kahayag gikan niini nga parol makalingaw diha sa bong-bong ug kisame.