Para sa Gagmayng mga Bata
Si Jesus Nag-ayo sa usa ka Tawo nga Masakiton
Gikan sa Lucas 5:17–25.
Usa ka adlaw niana, si Jesus nagtudlo sa mga tawo sulod sa balay.
Sa gawas sa balay dunay usa ka tawo nga dili makalakaw. Iyang mga higala midala kaniya ngadto sa balay aron ayohon siya ni Jesus. Apan ang balay puno kaayo nga ang iyang mga higala dili makapasulod niya.
Ang mga higala sa tawo midala niya ngadto sa atop sa balay. Dayon ilang gilungagan ang atop. Gipaubos nila ang tawo ug ang iyang higdaanan ngadto sa balay aron si Jesus makakita kaniya.
Nakita ni Jesus unsa ka dako ang pagtuo sa tawo ug sa iyang mga higala. Iyang gisultihan ang tawo nga mobarug ug molakaw. Ang tawo mibarug. Nakalakaw na siya pag-usab! Mihipos sa iyang higdaanan, malipayong siyang mipauli.
Nianang adlawa, gipakita ni Jesukristo ang Iyang dakong gahum pinaagi sa pag-ayo sa tawo. Gusto niya nga ang mga tawo masayud nga Siya adunay gahum sa pagbuhat og daghang talagsaong mga butang.