Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit alang sa family home evening. Ang mosunod mao ang duha ka mga ehemplo.

“Ang Pagpili sa Dili Paglibak,” pahina 59: Ikonsiderar sa pagbasa niini nga artikulo ug ang seksyon sa pinulongan diha sa Alang sa Kalig-on sa mga Kabatan-onan (pahina 20). Hisguti ang mga paagi sa paghukom kon ang inyong nadungog angay ba nga ipakigbahin o dili. Ang mosunod nga mga pangutana mahimong kabahin niana nga panaghisgutan: Ang impormasyon tinuod ba? Ang pagsaysay og usab niining impormasyon gikinahanglan ba? Mabination ba kon inyong ipakigbahin ang inyong nadungog? Alang sa kalihokan, makaandam kamo og papel para sa matag sakop sa pamilya ug isulat ilang ngalan sa ibabaw sa papel. Dayon ipapasa-pasa ang mga papel ug pasulati sa mga sakop sa pamilya sa mga butang nga ilang giganahan ug gimahal sa usag usa.

“Ang mga Alpaca Nakabuhi!” pahina 67, “Ang Langitnong Amahan Maminaw ug Motubag sa Akong mga Pag-ampo,” pahina 70, ug “Among Tubag,” pahina 75: Ribyuha kining mga istorya ug hisguti ang mga rason nganong mag-ampo ta. Kon giaghat, pagpakigbahin og usa ninyo ka kasinatian kabahin sa pag-ampo. Natabangan ba mo, sama ni Romney? Gusto ba mo nga masayud sa kamatuoran, sama ni Tatiana? Human og basa sa mga istorya, kamo mahimong mopakigbahin og pipila ka mga kasulatan mahitungod sa pag-ampo, sama sa 2 Nephi 32:8–9 ug Doktrina ug mga Pakigsaad 10:5. Dapita ang matag sakop sa pamilya sa paghimo og mga tumong aron mapalambo ang ilang personal nga mga pag-ampo. Mahimo ninyong tapuson pinaagi sa pagkanta og himno kabahin sa pag-ampo, sama sa “Sweet Hour of Prayer [Tam-is nga Takna sa Pag-ampo]” (Hymns, nu. 142).

Sa Inyong Pinulongan

Ang Liahona ug ubang mga materyal sa Simbahan anaa sa daghang pinulongan sa languages.lds.org.