Mga kabatan-onan

Maghimo og Imbentaryo

Si Presidente Eyring mikutlo ni Presidente Spencer W. Kimball (1895–1985) nga nag-ingon “ang journal usa ka paagi sa pag-ihap sa atong mga panalangin ug pagtipig og listahan niining mga panalangin para sa atong kaliwatanan.” Sa kinatibuk-ang komperensya sa Oktubre 2012, si Presidente Thomas S. Monson nagpamatuod kabahin sa pagsulat og journal. Siya mipakigbahin og pipila ka mga kasinatian gikan sa iyang kinabuhi, nagdugang, “Ang akong matag adlaw nga journal, gitagoan sulod niining mga katuigan, nakatabang sa paghatag og impormasyon nga dili na unta nako mahinumduman.” Siya mitambag, “Kamo maghimo og imbentaryo sa inyong kinabuhi ug tan-awon ang mga panalangin nga nadawat, dagko og gagmay” (“Hunahunaon ang mga Panalangin,” Liahona, Nob. 2012, 86). Sunda ang tambag niining mga propeta ug paghimo og tumong sa pagsulat sa inyong journal.