Ta tatou api

Ua haapii mai to’u na metua ia’u i te evanelia e ua riro ei mau hiʻoraa maitai no’u mai to’u naʻinaʻiraa mai. Ua haapii au i te taiʻo i te mau aamu o te papaʻiraa moʻa na te mau tamarii, e i teie nei ua here au i te Buka a Moromona. Te taiʻo nei au i te reira i te mau mahana atoa, o vau anaʻe e i pihaʻi iho atoa i to’u utuafare. O Amona ta’u taata au roa i roto i te Buka a Moromona. Ua riro oia ei misionare rahi, o ta’u ïa e hinaaro ia riro ia paari anaʻe au.

Esteban M., 8 matahiti, Colombia

A haere ai to’u utuafare i Panama no te hoê tau faafaaearaa, te fenua aiʻa o to’u metua vahine, ua rave to’u na metua i to’u tuahine naʻinaʻi, o Yhoalibeth, e ia’u no te haere e mata‘ita‘i i te hiero no Panama City. Ua rave to maua metua vahine ia maua no te faatape‘a i te papaʻi o te hiero. I muri aʻe, i to’u parauraa’tu i to’u metua vahine i te oaoa ta’u i farii i te hiero, ua parau mai ra oia ia’u e, ua farii au i te Varua Maitai.

Sergio B. Jr., 7 matahiti, Florida, te mau Hau Amui no Marite

Pasha Z., 9 matahiti, Ukraine

Letícia C., 6 matahiti, a tiʻahia ai toʻna matahiti i te 3, ua oti atoa te hiero no Curitiba Brazil i te hamanihia. E mea au roa na’na e haere i te hiero, e ua haere oia pauroa te mahana o te hepetoma hopea o te opani iriti. E te au noa nei â oia ia haere e mata‘ita‘i i te hiero e ia orihaere na roto i te aua nehenehe. E mea au atoa na Letícia ia papaʻi i te hohoʻa e ia ʻau.

Paraimere : Pee ia Iesu

E mea au na Maurizio D., 11 matahiti, Italia, te pureraa oroʻa, no te mea, te haapii mai nei oia i te parau no te Metua i te Ao ra e no Iesu Mesia. E mea au na’na e haere i te pureraa no te mea, e mea arearea e te anaanatae, e te nehenehe roa atoa. E mea oaoa oia i te fare pureraa e e mea rahi toʻna hoa.

A faaineine ai matou no te haere i te oroʻa patiaraa repo matamua no te hiero no Tijuana Mexico, ua oaoa roa matou. Ua haere to matou utuafare no te rave i te ohipa. Ua tamâ matou i te aua o te hiero. Ua ite au e haere mai te Fatu i roto i Toʻna fare ia oti anaʻe te reira.

Jesus S., 6 matahiti, Mexico

Na te taiʻoraa i te mau papaʻiraa moʻa e tauturu nei ia’u ia maʻiti i te maitai.

« Te mau api auro », na P. Tuyêt Hoa, 10 matahiti, Cambodia

Te maʻiti nei au i te maitai ia pee anaʻe au i te Metua i te Ao ra e ia Iesu Mesia.

N. Thi LinĐa, 8 matahiti, Cambodia

Ta’u tuhaa au roa i roto i te Buka a Moromona o te aamu ïa o Nephi e te fanoraa na niʻa i te moana.

Kelly C., 10 matahiti, Philipino

E mea tiʻa ia taatihia tatou i roto i te hiero ia tiʻa ia tatou ia ora ei utuafare e a muri noa’tu.

Shanna C., 8 matahiti, Philipino

E mea au na’u ia haere i te pureraa e to’u utuafare e ia haapii i te parau no Iesu Mesia. I te fare e mea au na’u ia taiʻo e ia haapii mai i te mau aamu no te papaʻiraa moʻa, ia himene i te mau himene, e ia haʻuti i roto i te pô utuafare. Ua haamaitai te evanelia i to’u utuafare e ua faatupu i te oaoa i roto ia’u. Ua horoʻa aʻenei au i te hoê Buka a Moromona i na orometua haapii e toru e na to’u hoa rahi roa, o Miguel. Ta’u himene Paraimere au roa maori râ, « Proclamons la vérité » (Chants pour les enfants, 92).

Martim P., 6 matahiti, Potutara

Henrique S., 7 matahiti, Beresiria