E nehenehe ta te mau melo e ani i to ratou reni mana autahu‘araa
I teie nei, ua ti‘a i te Ekalesia ia horo‘a i te reni mana autahu‘araa i te mau melo atoa e titau mai i te reira. E tuatapaparaa te reni mana autahu‘araa no te mau faatoroʻaraa e tae roa i te mau mahana matamua o te Ekalesia e tae roa’tu i te Faaora ra.
No te tahi mau reni mana autahu‘araa, e itehia te tahi taata faatoroʻa tei mau i te toroʻa Hitu Ahuru, aita râ e reni mana taa ê tei tapeʻahia no te toroʻa Hitu Ahuru. Na reira atoa, no te reni mana autahu‘araa o te mau episekopo e te mau patereareha tei faatoroʻahia, ua ravehia ta ratou reni ia au i to ratou toroʻa tahuʻa rahi.
O te mau reni mana Autahu‘araa a Melehizedeka ana‘e te noaa ia titau mai i te Ekalesia; aita te reni no te Autahu‘araa a Aarona e noaa. E nehenehe ta te mau melo e ani i te reni mana Autahu‘araa a Melehizedeka, te reni no ratou iho, te reni o te hoê tamarii e ora ra i to ratou fare e aore râ te reni o te hoê taure‘are‘a misionare e tavini ra i ta’na misioni. E ere teie mau parau i te mau parau mana na te Ekalesia.
Mai te mea ua hinaaro outou i te ani i to outou reni mana autahu‘araa, a papa‘i mai i to outou i‘oa ti‘a, te tai‘o mahana fanauraa, te numera no te parau meloraa (te vai ra i ni‘a i te parau faati‘a no te hiero e aore râ a ani i te papa‘i parau o te paroisa), te i‘oa o te taata tei faatoroʻa ia outou i te toroʻa peresibutero e aore râ tahu‘a rahi (mai te peu te haamana‘o ra outou), e tae noa’tu te vahi e hapono atu e te numera niuniu e aore râ te rata uira.
E hapono i ta outou aniraa i :
Priesthood Line of Authority
Global Service Center
120 North 200 West
Salt Lake City, Utah 84103-1514, USA
Rata taniuniu (fax) : 1-801-240-6816
Niuniu : 1-800-453-3860, patapata atu ai te 2-3500
Rata uira (imere) : Hapono i te rata uira i te lineofauthority@ldschurch.org ma te parau « PLA » i ni‘a i te reni no te tumu parau. Ia oti, e haponohia mai ia outou te hoê api parau e faaî e e hapono faahou atu (na te matini e pahono i te mau rata uira atoa e te tumu parau « PLA »).
E nehenehe te reni mana autahu‘araa o te feia e rave nei i te mau oro‘a e tuatapapahia e tae noa’tu i te Faaora ra.
Te Mesia e faatoroʻa ra na aposetolo e ahuru ma piti, na Harry Anderson © IRI