I niʻa i te tere
Te tiaʻiraa i Winter Quarters
Hoê oire apî
I muri aʻe i te taparahi-pohe-raa-hia te peropheta Iosepha Semita, ua riro mai Navu Illinois ei vahi fifi roa. Ua faaruʻe te Feia Moʻa i to ratou mau fare no te imi i te hoê vahi hau aʻe no te ora. I te avaʻe fepuare 1846, ua haamata te pŭpŭ matamua o te Feia Moʻa i to ratou tere i te pae tooa o te râ, tera râ, ua taere to ratou tere no te ino o te reva e no te maʻi. I te taime a tere ai ratou na Iowa, ua taere roa i taua matahiti ra no te haere na niʻa i te Mouʻa no Roky Mountains hou a tae mai ai te puʻe tau toʻetoʻe. No reira, ua maʻiti te feia faatere o te Ekalesia i te hoê vahi i reira te Feia Moʻa e noho ai no te puʻe tau toʻetoʻe. Ua pii ratou i taua vahi ra, o Winter Quarters.
Te ohipa-amui-raa
Ua hamani te tahi mau taata i to ratou fare i te raau e aore râ, i te aihere. Te tahi pae ua ora noa ratou i roto i te fare ie e te ana. Ua tamata te Feia Moʻa ia oaoa i roto i te puʻe tau toʻetoʻe roa. Ua tauturu te tahi i te tahi. Ua haere ratou i te mau aruʻi himeneraa e ua himene e ua ori. Ua hamani ratou i te hoê hamaniraa faraoa, hoê fare oire, e hoê fare hamaniraa panie.
Te tere-faahou-raa
E taime fifi roa te taime a ora ai te Feia Moʻa i Winter Quarters. E rave rahi taata tei pohe. Tera râ, ua tiʻaturi te mau pionie e, e haamaitai te Fatu ia ratou e e tauturu ia ratou ia tapae i Ziona. Ia tae mai ra te puʻe tau faatupuraa raau, ua faaruʻe te pŭpŭ pionie matamua i Winter Quarters no te tere atu i te afaa no Roto Miti.
I teie mahana, e nehenehe ta outou e ite i te hiero nehenehe no Winter Quarters Nebraska, e ia mata‘ita‘i i te pû Mormon Trail Center i Winter Quarters no te haapii mai â no niʻa i te mau pionie.
Te hohoʻa i vauvauhia i roto i te pû Mormon Trail Center i Winter Quarters, te faaite ra ïa i te hoê puhaparaa i niʻa i te purumu no Iowa i reira to William Clayton papaʻiraa i te himene ra « Haere mai, e te Feia Moʻa » (Te mau himene, no. 18).
I roto i te pû Mormon Trail Center, e nehenehe ta outou e ite i te mau huru tauihaa ta te Feia Moʻa i taʻitaʻi i roto i to ratou tere. Ua parau te feia faatere o te Ekalesia ia ratou ia rave i te faraoa ota, te mau faanoanoa maa, te raiti, te pĭpĭ e te mau puaatoro û.
Ua hamani te tahi Feia Moʻa i te mau fare raau i roto ratou e ora ai a parahi ai ratou i Winter Quarters.
Te Feia Moʻa i te ratereraa na roto i te anavai no Mississippi, na Grant Romney Clawson © IRI ; hohoʻa na Jennifer Maddy e o Welden C. Andersen
Te purumu no Iowa
Iowa
Navu
Winter Quarters