Burabeti n te O Tetemanti

Atam

“A tia aomata tabeman n rang n irekereke n te baire ni kamaiu … nakon te mwaane ae Atam.”¹

Angiia aomata a kinaai bwa te moan aomata ngai ni maeka iaon te aonaaba, ma a mwaiti aika aki ataia ae iai tabeu ae onoti imwaain are I ruo nakomai nakon te aonaaba. N te maiu imwain te maiu aei, I kairiia ana taanga ni Buaka te Atua ni kaitaraiia ana taanga ni buaka Taatan n te buaka i Karawa,² ao I buoka Iesu Kristo ni karika te aonaba.³ I kinaaki ngkoa n arau ae Michael, are nanona temanna “ae katotonga te Atua.”⁴

E rineai te Atua bwa te moan aomata n te aonaaba ao e kamaekaai n te Ne n aroka are Eten, te bwaretaiti ma kaina ao manna aika mwaiti ma ni kakaokoro. Euka nako nanou “te ikeike ni maiu”⁵ ao e anganai te ara ae boou: Atam.⁶

Te Atua e tuanga kaainabau, Ewa, ao ngai bwa ti na aki amwarake man te kai n ata te raoiroi ma te buakaka.⁷ Ngkana ti aki kana uaan te kai, ti kona ni maeka n te onaroka iai n aki toki, ma ti na aki kona ni “waki nako man ataakin kaitaraan bwaai n te maiu ae mamate”⁸ ke ni karikiia natira.⁹ Ara bwai karaoan te rinerine.

Ibukina bwa ti karaoa te rinerine bwa ti na kana uaan te kai, ti riai ni kitana te o-n- aroka ao n nako mai matan te Atua. Aio are e ataaki n arana ae te Bwaka. Ti riki iai ni mamate, n ata raoiroin ao buakakan te maiu, ao n uotiia ataei nakon te aonaba.¹⁰

E ataia te Atua bwa e na reke te Bwaka—E kanakoa Iesu Kristo bwa e na kamaiura man ara bure ao n tokanikai iaon te mate bwa ti aonga ngaira ao natira n oki nako Ina.¹¹

Ewa ao ngai ti reiakina taekan ana euangkerio Iesu Kristo—n raonaki ma te onimaki iroun Iesu Kristo, te rairannano, te bwabetito, karekean ana bwaintituaraoi te Tamnei ae Raoiroi, ao n teimatoa n ua te toki—ao ti reiakinna nakoiia natira.¹²

Bwa ibukin au atatai, matau a kaukaki, ao I karekea te kimwareirei n te maiu aei.¹³ Uringnga bwa ko kona naba n namakina ana tangira te Atua ao n oki Nakoina ngkana ko ira Iesu Kristo,¹⁴ n aron are I reiakinna ni karaoia.

Bwaai aika a na taraki

1. Robert L. Millet, “The Man Adam,” Ensign, Tianuare. 1994, 8.

2. Tara Te Kaotioti 12:7–8.

3. Tara Robert L. Millet, “The Man Adam,” 10.

4. Kairi nakon Booki Aika Tabu, “Mikaere,” scriptures.lds.org.

5. Karikani Bwaai 2:7.

6. Tara Moses 1:34.

7. Tara Karikina Bwaai 2:16–17; Moses 3:16–17.

8. Tataekina Au Euangkerio: Te Kairi nakon te Mwakuri ni Mitinare (2004), 49.

9. Tara 2 Nibwaai 2:22–23.

10. Tara Moses 4:22–31; 5:10–11; Aramwa 12:21–27.

11. Tara Ioane 3:16–17; 1 I-Korinto 15:22; 2 Nibwaai 9:21; Aramwa 42:2–15.

12. Tara Moses 5:1–12, 58–59; 6:51–67.

13. Taraa Moses 5:10.

14. Tara Motiaea 27:25–26.

15. Tara Doctrine ao Covenants 27:11.

16. Tara Karikani Bwaai 5:5.

17. Tara Doctrine ao Covenants 116:1; Taniera 7:9–14.

18. Tara Doctrine ao Covenants 29:26.

19. Taraa Doctrine ao Covenants 88:114–116.

Fact Box: Atam

• Aara: Atam, te Tama Atam, Boong Ma Ngkoangkoa, Mikaere¹⁵

• Te ririki ni maiu n tain te mate: 930¹⁶

• Tabeia n te maiu i mwaain te maiu ae mamate: Kairiia ana taanga ni buaka te Atua ni kaitara Taatan; e buoka Iesu Kristo ni karika te aonaaba

• Tabeia n te maiu ae Mamate: Tamanuea, bumwaane, ao te tama; a ibuobuoki ni karekea taekan te Bwaka; maiuakina ana euangkerio Iesu Kristo

• Tabeia n te maiu i mwin te maiu ae mamate: E na kawariia ana aomata i Adam-ondi-Ahman¹⁷; ibuobuoki n te Mangauti¹⁸; kaira te kabanea ni buaka ni kaitara Tatan¹⁹

Man te maing: korobanna iroun Dan Baxter; Atam ao Ewa n te Onaroka, iroun Lowell Bruce Bennett; Kitana te Ne n aroka are Eten, iroun Joseph Brickey; N ti te Arona, iroun Joseph Brickey; Atam ao Ewa a Reireiniia Natina, iroun Del Parson; Atam e Kabira Teta, iroun Del Parson; Adam-ondi-Ahman, iroun Del Parson; Mikaere Te Anera Ae Kakannato E Tokanikai i Aon Tatan, iroun Guido Reni/Bridgeman Art Library/Getty Images; tarakina mai ibuki man iStockphoto/Thinkstock