Rongorongon te Utu e Ikotia Utu

Yael B., Argentina

I kunea te kouru n aia boki Kairake n Ataeinaine ibukin Rikirakeia I Bon Irouia are e kaunga nanou bwa N nang moana au mwakuri i aon rongorongon au utu. Ngkana I nako ni kawaria tibuu ni katawanou irouia, a karakini rongorongon maiuia ao taekaia naba au utu ake tabeman. I moana nakou nakon te tienta ibukin rongorongon te utu ao n ikoikoti rongorongoia au utu.

I uringnga ngke I kunea taekan rongorongon tibutoru te unaine. Ngke e bikoukou, e toka n te kaibuke nako Argentina. N tain te mwananga, e mate natina ao e katukaki rabwatana i marawa. Kanga bon ti te rongorongo ni karokoa are I a kunea arana n te boki are a tauaki iai mwin aara. I a uakaan riki ma tibuu, ao I a kinaia riki au bakatibu n aron ae I a tia ni maeka ma ngaiia. I kunei rongorongoia au bakatibu, a tibwauai rongorongo aika kakukurei ibukin te kabaebae ae akea tokina, ao ni buoka kakabwaiakia roro aika mwaiti.

I reitinako ni kunei kaubwai aika karabaaki bon te kakaitau nakon te FamilySearch. I tangira te bwai are e taekinna Beretitenti Thomas S. Monson: “I kakoaua bwa ngkana ti karaoa ara kabanea ni kona ni kakoroabukin te mwakuri are e mena i matara, te Uea e na katauraoa nakoira te kiing ae tabu are kainnanoaki ni kaukan te kaubwai are ti rangin korakai ni ukoukoria.”¹ Rinanon ara kekeiaki, ti na kunei kiing nakon kaubwaira aika akea tokiia, ao n te bong teuana ti na kona ni kaitibo n itaramata ma ara bakatibu.

Bwai aika a na taraki

1. Thomas S. Monson, “The Key of Faith,” Ensign, Beberuare 1994, 5; Tambuli, Meei 1994, 5.