Mauri, te tiibu te teei
Colleen Solomon, Ontario, Canada
Ngai ma kainnabau ti buoka natira te aine ao natina aika uoman mwaane n te marae ni wanikiba, are a katauraoia ibukin kibaia n oki. Ti buoka natira te aine ngke e anai aia bwauti, katauraoi ana bwatiboti, ao n taua natina ae rang n takaremwaremwa ae teniua ana ririki. Tommy, tibura ae teuana ana ririki, e matu n ana kaa ni kokoki ni karokoa e uti n tounako. E maaku ngke e kataia ni butimwaai karongoa man tabo nako, otan taura aika raneanea, ao bwaai aika bure aroia.
I noora moana ao I ata te bwai are e nang riki, ngaia are I takarua nakon natiu te aine. E waekoa n roko, rabuna matan Tommy ni baina, tarai matana, ao n taetae nakoina ma te tangira, “Mauri, te tibu te teei.”
N te tai ae tawe ana ari aika uerake, kaina wiina, ao angana aika uerake a koerikaaki ngke e rabwatana ni kabane e ike ma te raunnano. E anga te moangare ae uarereke imain manga matuun matana. Maakuna e oneaki nakon te rau ae kakoaua ao te rau are e tara ni kamanoa. Bon te bwai ae uarereke ma e rang korakora ni kaota ana onimaki Tommy iroun tinana. Baina ae taneiai iai, bwanaana, ao rokona ni kabebetea nanona.
N ai aron Tommy, ti bon bane n namakina te maaku, te aki koaua, ao te nakonnano. E karaunano aron ataakin ae Iesu Kristo, te Tia Kawakin Tiibu, e weteira. E kinaia ana nanai n tibu, ao ti kona ni katuka ara onimaki ae bwanin Irouna. E taetae ni bwanana n tangira, “I katuka au rau iaomi, au rau I angani ngkami. …“A na tai rawawata nanomi, ao a na tai maaku.” Ioane 14:27.
I ataia bwa inanon taai n nano kokoraki ti kona ni karekea te kamanoaki ao te kakoaua ngkana ti rairaki nakon te Tia Kawakin Tiibu ae Raoiroi ma te kantaninga ao te onimaki. Ngkana I kakabwaiaaki ma te rau ibuakon te kanganga, I tangiria ni kaoka te tai are n te marae ni wanikiba ma natiu te aine ao tibu te mwane. N ai aron Tommy, I ike kaota te bebete man te rawawata are e tabekaki nako. Inanon taai akanne, I namakinna ibon irou “Mauri, te tiibu te teei” mai iroun au Tia Kawakin Tiibu.