Kairake n ataeinimwaane a na karaoa aia mwakuri ni mitinare n te tai are a koro iai aia ririki ae 18? Ao kairake n ataeinaine e korakora riki kaungakia ni karaoa aia mwakuri ni mitinare ngkai a kona n nako n aia ririki ae te 19?
Ngke e katanoata Beretitenti Thomas S. Monson bitakin te ririki ni katauaki ni karaoan te mwakuri ni mitinare, e taku, “I aki iangoia bwa ni kabane kairake n atainimwaane a na—ke a riai—ni beku n te ririki ae moantaai. Ma irarikin anne, ao e boni boboto i aon aron temanna ma temanna n ai aron naba nanomatoaia taan kairiiri n te nakoanibonga, te rinerine aei e a tauraoi ngkai.”1 Iangoa marurungin rabwatam ao am iango,am katauraoi n te kataumwane, ao am katauraoi n te maiu n tamnei. Ko kona n reirei ma kaaro ao taan kairiiri n te nakoanibonga ibukin bwai aikai ngkana ko a tia ni bairea te tai ae riai are ko nang beku iai.
Nakoimi ngkami kairake n ataeinaine, e taku Beretitenti Monson, “Kairake n ataeinaine … tiaki ti te arona aron kariaiakaia ni beku n ai aroia kairake n ataeinimwaane. Ti kakoauaia taari aine aika kairake n te Ekaretia, ma e ngae n anne, bwa a tatauraoi n anganano n aroia mitinare, ao ti butimwaea aia mwakuri n ibuobuoki.”2