Karinean te Bong ae te Tabati

Nakoia aomata aika mwaiti, te Tabati bon te raka ni bong teuana n te wikente ibukin te motirawa ma te kakukurei. Ma, kaotioti n taai ake ngkoa ao n taai aikai a tia n reiakina aron kakawakin tabun te bong ae te Tabati. N te iteraniba 56–57 n te Riaona aei, Larry M. Gibson, te moan kauntira n aia beretitentii ni kabuta Ataeinimwaane, e maroroakina kakawakin karinean te bong ae te Tabati. E taku te Tari Gibson, “Te kawai are ti kawakina te bong ae te Taabati bwa e na tabu bon kaotakina nako tinanku man ara berita aika tabu n ururingnga n taainako Iesu Kristo.”

Ngkai a reirei am ataei ni kawakina te Tabati bwa e tabu, a na tauraoi ni karekei kakabwaia aika mwaiti. N aron are e taekinna te Tari Gibson, “ngkana ti na iria ao maiuakin tuua mai karawa ni kawakina te bong ae te Taabati ni katabua, te Uea, ni kabooa mwiina, e na kakabwaiaira, kairiira, ao ni kaungaira ni kakaai tokin kaangaanga ake a kaitaraira.”

Iango ibukin Reiakinaia Kairake

Bootaki ni wareka ana rongorongo te Tari Gibson n te iteraniba 56–57. Imwina maroroakina te bwai ae e na kona am utu ni katauraoia ni kawakina tabun te bong ae te Tabati. Inanon bootaki n utu n te tairiki, ko kona n anenea “Gently Raise the Sacred Strain” (Boki n anene, nambwa. 146) ke te anene n taromauri riki teuana n taekan te Tabati ao maroroakina te bwai ae a na kona ni karaoia am utu n te Tabati ni kawakina tabun te bong ae te Tabati.
Iangoia ni warekia ma kairake te tiekition iaon karinean te bong ae te Tabati n Ibukin Kakorakoraia Kairake, n raonaki ma koroboki aika tabu ake a karinanaki n tokina. Kam kona ni uaia n tarai booki aika tabu riki tabeua iaon kawakinan tabun te bong ae te Tabati ao maroroakin reirei irarikin karinean te bong ae te Tabati.
Ko na bae n tangiria ni kani matakuakin witeo aika a kaineti ma aei ao ni wareki booki ma te roro ni kairake. Nako n youth.lds.org ao kabongana te mwauti n rinea “Ibukin Kakorakoraia Kairake” ni bwatinin te menu. Imwiina ao kiriki iaon te tiekition ibukin karinean te bong ae te Tabati, ao ko na kunei witeo ao koroboki aika kaineti ma aei iaon angatain ao inano n te iteraniba anne.

Iango ibukin Reiakinaia Ataei

Wareka “A Brand-New Deacon” n Okitobwa 2013 Riaona ao maroroakina kakawakin te toa ni kawakinan tabun te bong ae te Tabati.
Iangoa warekan “A Lesson in Reverence” ni Maati 2010 Riaona; ko na bae n tangiria naba ni karaoa te waaki ni kakukurei are e nako ma te koroboki. Maroroakinna ma am ataei bwa e kanga te karinerine n te umwantabu ni buokiko ni kawakina tabun te bong ae te Tabati.
Maroroakina bwa tera ae e kona ni karaoia am utu n te Tabati ni karinea te Uea iai. Ko kona ni wareka “Decide Right Now” man te Maati 2012 Liahona ibukin te katoto iroun temanna are e a tia ni kawakina tabun te bong ae te Tabati n te tai ae moan te kaangaanga.
Ko kona n anenei ma am ataei tabeua anene aika kaineti ma te Tabati, n ikotaki ma te “Kaonobong” (Children’s Songbook, 196). Taekin taekan kawai aika a kona ni kabongana te Kaonobong ao boong riki tabeua n te wiiki am utu ni katauraoi ibukin te Tabati.

Kamatata n te korotamnei iroun Taia Morley