Ara Iteraniba

N te tai arei I uarereke iai, a reireinai tinau ma tamau taekan te tembora. E bon rangin raroanako, ma I tangiria ni kan nako ikekei ma au utu. Ngke I a kabaeaki ma au utu, I a kona n roko inanona n te kabane—e boni koro tamaroana. Ngke ngke ti nako, I tiku n tataninga itinaniku. Ngkana I a ikawai, N na karaoi oin au berita aika tabu inanon te tembora.

David V., ana ririki 6, Nicaragua

I ataia bwa e maiu Iesu Kristo ao E bon tabeanikinira ni kabane, ao I ataia bwa e koaua te Ekaretia.

Osiris M., ana ririki 6, Brazil

Tris M., ana ririki 8, Brazil

I rangin tangiria ni kan anenei kunan te Ekaretia n taromauri ao n ira wakin te botaki n utu n te tairiki ma au utu. Iai uoman tariu ao mwaneu aika uarereke aika araia Jared ao Sarai, ao I rangin tangiriia. I tangiria ni kan buoka tinau ngkana e kuka ibukina bwa ngkana I a ikawai, I kani kuka naba n aron are e karaoia.

Ambar A., ana ririki 9, Ecuador

I tangiria ni kan buoka tinau ma ara botaki n utu n te tairiki. A tangiria ni kan nako ara utu nakon te tembora bwa ti aonga ni kabaeaki n aki toki. Ngkana I a ikawai, I tangiria ni kan karaoa au mwakuri ni mitinare n aroia ai tariu. I tangira teTama are i Karawa ao te burabeti, Beretitenti Thomas S. Monson. I tangira anenen te Buraimwari “Ana Ekaretia Iesu Kristo.”

Keydi P., ana ririki 12, Honduras

Đ. Văn Hiêp, ana ririki 11, Cambodia

I a kaman reireinaki te euangkerio ma ngke I uarereke. Ngke waniua au ririki, I karaoa au babaire bwa N na bwabetitoaki. I kamamatenanoi ni kabane 13 taekan te onimaki ibukin te bong ane e onoti anne. Ngke I a otirake man te ran, I namakina te bwai teuana ae korakora. E tuangai tinau bwa namakin akanne a roko mairoun te Tamnei ae Raoiroi. I ataia bwa e kaoka ana Ekaretia Iesu Kristo Iotebwa Timiti, ana Boki Moomon e boni koaua, ao Thomas S. Monson bon te burabeti ae maiu.

Abigail A., ana ririki 8, Spain