Te Ri Aantano n Tokanikai
“Ai korakorara ana baire Atuara” (2 Nibwaai 9:13).
N tain te tiburing, Ngai ma kainnabau te mwaane ti nako ni kaea ana takakaro n te butibooro tibura te mwaane ae aua ana ririki. A bane n namakina te kukurei aomata ni kabane ngkai a tabe ni biri ataei ni kaea te booro. Ngke e a tang te kabanea ni biira, a aki ataia taan takakaro bwa antai ae moanna ke ae bina. A bon ti takakaro ni kangai.
A butiaki taan takakaro irouia kouti bwa a na iobai ma kaain te tiim are teuana. Ngkanne ti a noora te bwai teuana ae kamimi. A weteia kain te tiim ni kabane iroun aia kouti bwa a na ira te tatakaro are a aranna bwa te ri aantano n tokanikai.
Kaaro, tiibu ao ake a roko ni mataku n te takakaro a tei ao ni katei uoua rain ni kaitaraia i bon irouia. Ngkanne a tabeki baia i eta ao a karaoa te kawai riaan baia mai nano. A ngangare ataei mani kukurei ngke a biri i aan baia ikawai ake a kaungaungaiia inanon kawaia.
N te tai ae waekoa ataei man te tiim are teuana a baireia bwa a na reita naba te kukurei. Ni kabane taan takakaro a kaungaungaki irouia ikawai ngkai a biribiri ri aantano.
N au iango ao I kona n noora te tamnei teuana. Iai au namakin bwa I noria ataei aikai ni maiuakina ana babaire Tamara are i Karawa are e karaoia ibukiia ataei n tatabemani nako. A biribiri i aon te kawai are eti man irariki, i aan baia aomata ake a tangiriia. A bane n namakina te kimwareirei ataei ni menaia i aon te kawai.
Iesu Kristo e a tia ni “kanikinaea te kawai ao ni kaira te kawai” ibukira n tatabemanira nako.1 Ngkana ti iriria, ti na bane n okira mwengara are i karawa ao ni kamanoaki inanon bain te Tama are i Karawa.
Tamnei iroun Busath Photography; kamatata n te korotamnei iroun Katie McDee