Raoraom ni katobibia te Aonaaba
¡Hola, amigos!*
Ngaira Mahonri ao Eremanmai Mexico
Booti am baeki! Nakomai kaitibo ma raoraomi ni katobibia te aonaaba!
Mahonri ao Ereman bon taari mwaane ake a maeka i mataniwin biken Mexico. A aranaki irouia aia karo i mwia uoman mwaane aika kakannato man ana Boki Moomon. Mahonri Moriancumer bon tarin Iareta. E noora tabonibain te Uea. Kaaben Ereman bon te tia kairiiri ae raoiroi. E kairiia uoua te ngaa rorobuaka n ateinimwaane.
Taari mwaane aikai a kantaningaia bwa a na kakoroi bukin kantaninga ake a irekereke ma aara ake a anganaki irouia aia karo. A tangiria n riki n ai aron Mahonri ao Ereman man ana Boki Moomon.
A kabaeaki ara karo n te Guadalajara Mexico Tembora n 2003. Aio bon te kabanea ni uakaan n tembora ma te tabo ike ti maeka iai. Raroana bon onoua te aoa kaeana n te buti n te kaa. Ti tangiria ni kan nako n te tembora ao ti ataia bwa n te taina ti na bon roko inanona, n aron are a tia n roko inanona ara karo ngkai.
Ti kukurei ni kabanea ara tai n aron ae te utu. Ni katoa Kaonobong ti nako n te bike irarikin mwengara. Ti kang waro—karara ae mamaten nanora—ao tacos aotortas (te aekaki n tiaeniwiti). Ti nakonako n ira anaun te Malecón, ke te kawai ae mena te ran i moana. Ti karaoa katotongan taian katioo aika karaoaki man te tano ao man tatakaro i tari.
I Tangiria n Noora te Tembora
Te Guadalajara Mexico Tembora bon te ka 11 mai buakon 13 tembora i Mexico.
Tauraoi n nako!
Ana baeki Mahonri ao Ereman a kanoaki ma aia bwai tabeua ake a mamate nanoia iai. Baikara mai buakon baikai aika ko na nnei inanon am baeki?
Tamnei iroun Juan Carlos Santoyo; kamatata iroun Thomas Child