Te Boki ibukin te Maungatabu n Okitobwa 2013
Tera are I a tia n taekinna Ngai te Uea, ao I bon taekinna,… ngkana boni man bwanaau ke man bwanaaia Au toro, bon tii te arona (D&C 1:38).
Ngkai ko a manga rinanon te maungatabu ni kabuta ibukin Okitobwa 2013, ko kona ni kabonganai iteraniba aikai (ao Booki ni maungatabu ibukin rongorongo n taai aika a na roko) ni buokiko ni kamatebwai ao ni kamwakuri aia reirei burabeti aika a tibwa tia n nako ao abotoro aika a maiu ao tabeman taan kairiiri n te Ekaretia.
Aia taetae ni Berita Burabeti: Kaitaraan Kangaanga
“Tamara are i Karawa , e anganiira ae bati bwa ti na kukurei inanona, e ataia naba bwa ti na reiakinaki ao n rikirake ao ni korakora ngkai ti kaitarai ao n tokanikai rinanon kangaanga ake ti kaitarai. Ti ataia bwa iai n tabetai ae ti kona n rinanon te nanokawaki n te uruaki n nano, ngkana ti namakina te aki kukurei, ao ngkana ti kataaki nakon ara kona. Ma e ngae n anne, a roko kangaanga nakoira bwa a na bitiira nakon ae tamaroa, ni manga kaeta maiura n te kawai are e reireiniira iai Tamara are i Karawa, ao n riki bwa te bwai ae kaokoro man arora ngkoa—n tamaroa riki nakon arora ngkoa, n rangin oota riki nakon arora ngkoa, n nananoanga riki nakon arora ngkoa ma korakoran riki ara kakoaua n aron are ma imwaina.
“Aei bukin ara kantaninga—ni wakinako ao n tokanikai, eng, ma n riki naba ni kaitiakaki tamneira ngkai ti kakaai angara rinanon kawai aika oota ao ni kananokawaki. Ngke arona bwa akea te kataaki ma te tokanikai ao kangaanga ake a taobaraeaki, ti na bon tiku n arora ae ngkai, ma te karaurau ke akea te rikirake n ara kouru ibukin te maiu ae akea tokina.”
Beretitenti Thomas S. Monson, “N na Aki Bwaka Mai Roum, Ke Ni Kitaniko,” Liahona, Nobembwa. 2013, 87.
Maing: tamnei iroun Ashton G. Smith; Atai, maing nakon te atai mai eta: tamnei iroun August Miller; kabwarabwaran te tamnei iroun Carlos Israel Gutiérrez Robles; tamnei iroun Emily Leishman Beus