2014
Bwanaia Kairake
Tianuare 2014

Bwanaia Kairake: Kakabwaia man Rongorongon te Utu

Kairake mai New York, USA, a kaoaki n te tai ae e aki bati ni maan n nako iroun aia titeiki beretitentii bwa a na kakaei araia aia utu n uoti nakon te tembora bwa mwakoron aia maungatabu ae onoti kairake. A kunei kakabwaia aika korakora ao a namakinna bwa nanoia a rairaki nakoia aia karo (tara Maraki 4:5–6).

Uotakin Araia Utu nakon te Tembora

  • “I tabe n iangoia bwa rongorongon te utu kanga bon te bwai teuana mai buakon rinanin au beku ae N na karaoia, ma ngkai I noria bwa a bon koaua aomata ake a kaman tataninga inanon ririki. Au mwakuri n te tembora e rangi ni kaokoro ngke I uoti araia au utu. Au kantaningaia bwa e riki aio bon man te mwakuri korakora, te tai, ao te tataro are e a karika kunean teuana te ara. Ma teuana te ara e rangin kakawaki ibukina bwa anne bon temanna te aomata are e kainnanoia bwa e na maeka ma te Tama are i Karawa.” —Hannah A., ana ririki 13

  • “I mwin kunean (aran te) aomata are e a tia ni mate, ko a moanna ni katomako ma te aomata anne are e mena n te aonaaba n tamnei. Uotakin oin am ara bon te kawai ni kakorakora te reitaki aei. E buokiko ni kaotako raoi n am utu ae akea tokina.” —Spencer S., ana ririki 15

  • “Uotakin araia utu nakon te tembora e buokiko n ataia bwa aomata aikai a boni koaua. Tiaki ti aara i aon te mwakoro ni beeba, bon mwaanem ma tarim raoi ake a tibwaua am rongorongo—ao boni ngaiia mwakoron am rongorongon.” —Lilli N., ana ririki 16

Karekean Kakabwaia

  • “I a noora te kaokoro inanon maiu (ngke I a karaoa te mwakuri ibukia au bakatibu ake a tia ni mate). Bon te namakin ae rau ao ni mwamwannano.” —Noah R., ana ririki 13

  • “Ko kona n namakinna inanom bwa ngkoe mwakoron te mwakuri ae kakannato. Anganakin am utu aia tai ni karekei kakabwaia man te tembora bon te namakin ae akea n ai arona.” —Corinne C., ana ririki 17

  • “I namakina riki te mwengaraoi ao te rau man te tai are I moana iai karaoan rongorongon au utu. Ngke I uoti araia au utu nakon te tembora, e anganai te namakin ae koro aron kakukureina.” —Tyler M., ana ririki 16

  • “E a tia ni karikirakea au tangira ibukin te Tia Kamaiu, te Tama are i Karawa, ao au bakatibu. E a tia ni buokai ni kaniaai riki ma au utu ao ni karikirakea au koaua ibukin te euangkerio.” —Alexandra H., ana ririki 14

  • “I a tia n rangi ni kukurei riki.” —Ross S., ana ririki 12

  • “Ma aara aikai n tatabeua, I namakina te rau ao te kukurei ae rangi ni bati, n aron te aomata ae a kaman tataninga ti ibukiu.” —Rhiannon B., ana ririki 15

  • “I ataia bwa I roko mai ia, ao e rikirake onimakinau i bon irou.” —Eliza L., ana ririki 13

  • “I a tia n aki bati ni kakauntaeka n au auti.” —Gehrig L., ana ririki 12

  • “I a rangin ota riki n aron kakawakia utu. I tangiria ni kaaniai riki ma au utu i aon te aba.” —Emma L., ana ririki 15

  • “E buokai riki ni kaotai n ana babaire ni kamaiu te Atua ibukira. I namakina kaaniu riki ma te Tama are i Karawa ao te euangkerio ibukina bwa I a ota raoi n otenanti ake a karaoaki.” —Noah C., ana ririki 14