Teutana imwiin teuatana
Moronaai 10:32
Ana botoniango ibukin te Iwawaki n te ririki aio bon te kakao mai iroun Moronaai n iira te Tia Kamaiu.
32 Eng, nakomai nakon Kristo, ao ni kakororaoaki irouna, ao ni kakeai mai iroumi bwaai ni kabane aika tiaki aron Atua; ao ngkana kam kakeai bwaai ni kabane aika tiaki aron Atua, man tangira te Atua ma korakorami, ami iango ao marurungimi,ao ngkanne e na tau ana akoi nakoimi, ao man ana akoi ao kam kona ni kororaoi iroun Kristo; ao ngkana man ana akoi te Atua kam a kakororaoaki inanon Kristo, kam bon aki kona ni kakeaa mwaakan te Atua.
Nakomai nakon Kristo
Koroboki aika tabu a kanoaki ni kakao aika bati n nakomai nakon Kristo. Taraa tabeua katooto aika karinanaki inano. Tera koroboki aika tabu aikai a reireiniko ibukin kakabwaia n rokom nakon te Tia Kamaiu? Ko kona ni kunei riki koroboki aika tabu ma te kakao aio?
Ni Kakororaoaki Irouna
“Ti riai n aki maaku ngkana ara kekeiaki aika iangoaki raoi nakon te kororaoi a taraa ni matoatoa ao ni kakua ao akea tokiia. Te Kororaoi ae i aon kawaina n riki. E kona n roko ni kabane ti imwiin te Mangauti ao rinanon te Uea. E bane n tataningaia ni kabane ake a tangiriia ao ni kawakina ana tua.”
Unimwaane Russell M. Nelson man te Kooram n Abotoro n te Tengaun ma Uoman, “Perfection Pending,” Ensign, Nobembwa 1995, 88.
Tangira te Atua
Ko na kanga ni kaotia nakon te Tama are i Karawa bwa ko tangiria? Iangoi iango aikai ao roko ma ake bon oin am iango. Inanon am tieno, korei taekan ake ko na karaoi.
-
Kawakin tuua.
-
Tangiriia ao ni beku ibukiia tabeman.
-
Kakoroi bukin tabem n te Ekaretia.
-
Tataro ni koaua.
Ana Akoi E na Tau Ibukimi
“Tabeman Kiritian a bukiniia Aomata aika Itiaki ni Boong aika Kaitira … man kakeaan ana akoi te Atua rinanon aia taeka bwa a kona ni karekea oin kamaiuakiia. Ti kaeka te bukibuki aio … , ‘Bwa ti kakorakoraira … n anai nanoia natira … bwa a na kakoaua Kristo, ao bwa aonga ni manga tangiraki iroun te Atua; bwa ti ataia bwa bon rinanon te akoi are ti kamaiuaki iai, imwiin bwaai ni kabane ake ti kona ni karaoi’ (2 Nibwaai. 25:23). Ao tera ‘bwaai ni kabane are ti kona ni karaoi’? Aikai bwaai aika a riai inanona te rairannano (tara Aramwa 24:11) ao te bwabetito, kawakinan tuua, ao te tei matoa ni karokoa te toki.”
Unimwaane Dallin H. Oaks man te Kooram n Abotoro are te Tengaun ma Uoman, “Have You Been Saved?” Liahona, Turai 1998, 68.
Te Akoi
“Te taeka akoi, n aron kabonganakina inanon koroboki aika tabu, e kaineti riki nakon te buoka ao te marurung mai iroun te Atua are ti karekea rinanon ana Mwakuri ni Kamaiu te Uea ae Iesu Kristo.”
Koaua nakon te Onimaki: Buokam n te Euangkerio (2004), 77.
Kororaoi iroun Kristo
Kororaoi, n ae kamanenaaki ni koroboki aika tabu, nanona “bobonga raoi, bwanin, ao tabwanin rikirakena; raoiroi raoi. Kororaoi e kona naba n nanona n akea burena ke buakakana. Ti te Kristo ae bwanin kororaoina. Taan iriira Kristo aika koaua a kona n riki ni kororaoi rinanon ana akoi ao ana mwakuri ni kamaiu” (Guide to the Scriptures, “Perfect,” scriptures.lds.org).
Aki
Nowise—akea te kawai ke akea riki.
Tamnei iroun The Design Farm