Sureti na Daucakacakaniliga me ra Curu ena Veisisivi

E veisureti na Valeniyayamakawa ni iTukutuku ni Lotu vei ira na daucakacakaniliga Yalododonu Edaidai me ra cakava na veicakacaka vovou ni liga me baleta na ika 10 ni Veisisivi Cakacakaniliga ni Veimatanitu. Era vakayaloqaqataki na daucakacakaniliga me ra vakayagataka na nodra taledi ka cakava na veicakacakaniliga ka vakatayaloyalotaka na ulutaga ni vakaraitaki cakacakaniliga oqo, “Tukuna vei Au na iTalanoa kei Jisu.” Ena veisisivi oqo, me na vagolei ga na cakacakaniliga ena italanoa eso mai na Veiyalayalati Vou.

Na kena matailalai kei na volayaca sa tu ena lds.org/artcomp, era na ciqoma na daucakacakaniliga era volayaca na itukutuku vakadodonutaki. Sa na tekivu ciqomi na kerecuru mai na 3 ni Noveba, 2014, me yacova na 27 Feperueri, 2015. Ena marautaki na veimataqali cakacakaniliga kecega, kei koya e vakaraitaka na itovo vakavanua. Me yabaki 18 se sivia o koya e vakaitavi. Era na tiko na turaganilewa ni cakacaniliga, ka ra na vakaraitaki na cakacakaniliga era digitaki ena Valeniyayamakawa ni iTukutuku ni Lotu kei na Initaneti tekivu ena Okotova 2015.