iYaloyalo Vou ena Vakavurea na Madigi ni Sotavi ira na Momani

O dau diva beka ena so na gauna me dua na sala rawarawa mo vakaraitaka kina vei ira eso ni o keda na Yalododonu Edaidai eda tamata ga vakataki ira ka dau kunea na inaki kei na mua me gole kina ni vakanamatataki na bula vei Jisu Karisito? Oqori na ka ena vukei iko kina e dua na iyaloyalo vakaitalanoa sa vakarau tiko me tavoca na Lotu.

Na Sotavi ira na Momani e tekivu ena dua na rai rawarawa ni nodra dau tauri cala mai vei ira na tamata na lewenilotu. Oti qai vakamacalataki iratou e ono na matavuvale, ka ra dui wasea na veika era sa sotava ka vakamacalataka na ivakarau e vukei ira kina na kosipeli ena nodra bula. O ira na vakaitavi e okati kina:

Na bisopi? O Jermaine Sullivan kei na watina, o Kembe, mai Atlanta, Georgia e Amerika, erau dau cakacaka me vakatubura na duavata ena dua na itikotiko duikaikai ni rau susugi iratou tiko na luvedrau gonetagane e tolu.

Na Dauveivakatavulici. O Ken Niumatalolo, na dauveivakatavulici liu ena tini ni Koronivuli ni Mataivaluiwai ni Amerika mai Annapolis e Maryland, Amerika, kei na watina o Barbara, ena nodratou veitokoni na luvedrau kei ira na vo ni dauveivakatavulici, era dau rokova na Siga ni Vakacecegu.

Na Daunigasaukuro Jokeliti. O Gail Halvorsen, e dua na sotia vakacegu yabaki 93 ni iKarua ni iValulevu, kei na watina o Lorraine, yabaki 90, mai Amado e Arizona, Amerika e dau vakananuma vei ira na gone me baleta na yaga ni veiqaravi. Ni se pailate tikoga, e dau vakalutuka o Baraca Halvorsen na jokeliti mai na dua na waqavuka me vaka a vakayacora ena Berlin Airlift ni oti na ivalu.

Na Dauveivacu. O Carolina Marin, e dua na dauveivacucaqe ni San José, Costa Rica, kei na nona dauveituberi ka watina, o Milton, erau dau raica vakatautauvata na nodrau itavi vakaveiwatini ka nodra itubutubu na gonelalai kei na nodrau taleitaka na veisisivi.

Na Veika Vakatamata. O rau o Bishnu kei Mangala Adhikari, mai Kathmandu e Nepal, erau dau rokova na vakabauta kei na iyau ni nodrau vanua. O Baraca Adhikari e dua na idinia ka dau ta gaunisala, koronivuli, kei na ivakarau savasava ni wai sa vakalougatataki kina e vuqa na veitikotiko lalai.

Na Tina Daukaulotu. Eratou talanoataka o Craig kei Dawn Armstrong kei na luvedrau tagane o Anthony, mai Salt Lake City, Utah e Amerika, ni a tina yada ka sega tu nona vale o Sisita Armstrong ena gauna e sota kina kei ira na daukaulotu. A vukei koya me veisautaka nona bula na kosipeli erau wasea. A qai vakamautaki Craig, ka taucoko kina na cowiri ni talanoa ena nona laki kaulotu tudei o Anthony ki Sauca Aferika me wasea na kosipeli sa vakalougatataka vakalevu sara na tinana.

Na Sotavi ira na Momani ena vakaraitaki ena Joseph Smith Memorial Building mai Salt Lake City, Utah e Amerika, kei na veivanua tale eso se bera tiko ni vakadeitaki.