Elder Chi Hong (Sam) Wong

Matai ni Kuoramu ni Vitusagavulu

Ni saumaki vou mai ka gonevuli ena Brigham Young University-Hawaii, a rawata o Elder Chi Hong (Sam) Wong sega walega ni vuli—a rawata na kila tudei ni tiko e dua na Kalou ka kila tu na “veika matailalai ni noda bula.”

A sucu o koya ena 25 ni Me, 1962, mai Hong Kong, e Jaina vei rau o Ngan Kan kei Fat Wong, E dua o Elder Wong vei ira na vitu na gone era a tubu cake ena dua na valesaumi lailai.

A sotavi Carol Lu ena vanua ni cakacaka, ka a vakaveikilitaki koya ki na kosipeli. A papitaiso na dauvakadidike gone oqo ena 14 ni Feperueri, 1982.

Ena dua na yabaki i muri, ena 9 ni Julai, a vakamautaki Carol. Erau a toki ki Laie, Hawaii, mai Amerika, me rawa ni lako i vuli. Baleta ni a tiko e kea ena dua na visa ni gonevuli, a rawa walega ni cakacaka o Elder Wong ena 20 na auwa dua na macawa. “Sa dodonu me da vakatovotovotaka vakaidina sara na noda vakabauta kei na masu,” a tukuna na veika e dau cakava me tokona nona matavuvale.

A cakacaka vakaukauwa me rawata e dua na sikolasivi, oti qai taura na levu ga ni auwa e rawa ni vakatara na univesiti. “E sega ni rawarawa,” e nanuma lesu o koya. “Ni keitou rawata ga na veika oya keitou kila sara ni rawa ni keitou vakararavi ga ena kaukauwa vakalomalagi.”

Erau a vauci vata na Wong ena valetabu e Laie Hawai ena ika 9 ni Okosita, 1984, ka sucu na imatai ni luvedrau; e tolu tale na gone era qai tadu mai ki na matavuvale. “Era veiyabaki digitaki, ka bibi sara na veiyabaki oqori,” e kaya o Elder Wong.

A rawata o Elder Wong e dua na diqiri na bachelor of science ni veika vakafika kei na dua na associate of science degree ni computer science; oti qai vakila na gagadre me lesu tale ki Hong Kong me veiqaravi.”

A qai rawata e muri e dua na MBA mai na Hong Kong Open University. A tauyavutaka o Elder Wong ka itokani vakabisinisi ena dua na kabani ni veivakasalataki ka cakacaka talega ena dua na ilawalawa ni vakatovotovo kei na vakadikevi iyaya ka tekivu kina daunivika liu qai biuta mai na kabani ena itutu vakaivukevuke ni manidia dairekita.

Ni bera nona tokoni ena ika 5 ni Epereli, 2014, me lewe ni iMatai ni Kuoramu ni Viusagavulu, a veiqaravi vakabisopi, peresitedi ni iteki, ka Vitusagavulu ni iWasewase.