Na Tekinolaji kei na Tabana ni iTukutuku Vakaitikotiko sa Vakarabailevutaka na Vanua e Yacova Yani na Koniferedi Raraba e Vuravura Taucoko

Me kedra ikuri na 100,000 era a vakaitavi ena lima na soqoni ni ika 184 ni Koniferedi Raraba Vakayabaki ena Vale ni Koniferedi e Salt Lake City, Utah mai Amerika, e milioni tale era a sarava se vakarorogo ki na veisoqoni oqori ena 95 na vosa ena kakaburaki ena retioyaloyalo, retio, setilaiti, kei na Initaneti.

E rawa ni dabe ena Vale ni Koniferedi e Salt Lake City e 21,000 na tamata, ia na ivavakoso ni koniferedi raraba e roboti vuravura taucoko ni ra vakarorogo mai e milioni na lewe ni Lotu. Sa sivia na 50 na yabaki, na nona sa dau vakadewataka tiko na Lotu na veika e vakayacori ena vicavata na vosa. Nikua, ena vuku ni tekenolaji sa rawa kina me ra sarasara e sivia ni 200 na matanitu e vuravura.

Me ikuri ni kakaburaki ena noda veivalenilotu, sa vakaraitaka bulabula talega na Lotu ni koniferedi ena LDS.org, BYUtv, BYUtv International, na Mormon Channel, Roku, Facebook, kei na YouTube. A tubucake ena 30 na pasede na levu ni sarasara ena initaneti ena koniferedi raraba ni Okotova 2013 ni vakatauvatani kei na koniferedi yani ki liu.

E levu talega era vakaitavi ena koniferedi raraba ena tabana vakaitukutuku raraba. E dua na iwiliwili levu ni tweet era vakabiri ena #ldsconf hashtag ena Twitter ena veisoqoni yadua ni koniferedi, sa yaco kina na koniferedi raraba me dua na ulutaga veivosakitaki vakalevu duadua ena Twitter ena veigauna oqori. Me vakaoqo, ena Okotova 2013, a vakabiri e 155,000 na tweets me baleta na koniferedi raraba. (Na tweet yadua sai koya na nodra nanuma na tamata yadua ka 140 na vosa se lailai sobu.)

Ena kena sala ni kakaburaki ena tabana vakaitukutuku raraba, e vakabira kina na Lotu na veitukutuku bula eso mai na koniferedi ena vicavata na vosa, ka vakayaloqaqataki ira tale so me ra veiwaseitaka na itukutuku oqori. Ena koniferedi raraba ni Okotova 2013, e vuqa tale na dausarasara era sarava se rogoca na itukutuku ni koniferedi raraba ni ra wilika e dua na itukutuku ena tabana vakaitukutuku raraba. Sa wasei na itukutukukabi eso ena vosa vaka-Valagi, Sipeni, kei na Potukali.