Elder Lynn G. Robbins

Mataveiliutaki ni Vitusagavulu

Me tekivu mai na gauna e kacivi kina me Vakaitutut Raraba ena Epereli 1997, sa dau marautaka tu o Elder Lynn G. Robbins na “veivakalougatataki kamica ni veikilai kei ira kece na Yalododonu e veiyasai vuravura.”

“O vakila e dua na ivau totolo kei ira na tamata ena vanua cava ga o lako kina,” e kaya o koya.

E nuitaka o Elder Robbins ni na dau sota tikoga kei ira na Yalododonu Edaidai e veiyasai vuravura ni veiqaravi tiko ena Mataveiliutaki ni Vitusagavulu.

A sucu o Lynn Grant Robbins ena ika 27 ni Okotova, 1952, mai Payson e Utah, vei rau o Joshua Grant kei Evelyn R. Robbins. Ena itekivu ni nona bula a dau tiko voli mai Springville e Utah, ka a sota kina kei Jan Nielson, ka rau se dau veikilai sara ena gauna ni gone. Erau a vakamau ena ika 27 ni June, 1974, ena Valetabu mai Manti Utah ka rau nodra itubutubu e vitu na gone; sa 15 na makubudrau.

A rawata o Elder Robbins e dua na diqiri ni bejila ni Spanish kei na political science mai na Utah State University kei na dua MBA ni international management mai na American Graduate School of International Management e Glendale, Arizona mai Amerika. A tauyavutaka vata kei na dua tale na Franklin Quest ka kena ivukevuke liu ni peresitedi.

A veiqaravi voli o Elder Robbins vakaperesitedi ni Tabana ni Kaulotu na Uruguay Montevideo ena gauna e taura kina nona veikacivi ki na iKarua ni Kuoramu ni Vitusagavulu. Ena tolu na yabaki i muri sa yaco me lewena na iMatai ni Kuoramu ni Vitusagavulu. Sa veiqaravi oti vakaperesitedi ni iWasewase na South America South, na Central America, kei na North America West. Sa veiqaravi oti talega ena iWasewase na North America Central.

E dua na veivakalougatataki levu ni veiqaravi oqo na nona rawa ni lesu tale ki Argentina, ka a veiqaravi kina vakadaukaulotu tudei. Ni se daukaulotu cauravou voli e Argentina, a veiqaravi e Jujuy, e dua na iwasewase ka dua ga na kena tabana. Ni lesu tale yani ki na vanua oya ena vica na yabaki mai muri, sa raica kina e dua na iteki ni Lotu ka dua na daseni na kena tabanilotu.

O na raica oqori e veiyasai vuravura kece,” e kaya o koya. “Oqo na siga ni cakamana.”