O Aoaoga Mo O Tatou Taimi

Mai ia Me 2014 e oo atu ia Oketopa 2014, e tatau ona saunia lesona o le Perisitua Mekisateko ma le Aualofa i Aso Sa lona fa mai se lauga se tasi pe sili atu, na tuuina mai i le konafesi aoao ia Aperila 2014. Ia Oketopa 2014, e mafai ona filifili mai lauga mai le konafesi aoao ia Aperila 2014 po o Oketopa 2014. E tatau i peresitene o siteki ma itu ona filifili po o fea saunoaga o le a faaaogaina i o latou eria, pe mafai ona latou faamatuueseina atu lenei tiutetauave i epikopo ma peresitene o paranesi.

O i latou e auai i lesona i Aso Sa lona fa ua fautuaina ina ia suesue muamua i le lauga filifilia. O loo maua lauga o le konafesi i le tele o gagana i le conference.lds.org.