Ko e Fakaleleí mo e Ngaahi Fuakavá

“ʻOku hanga ʻe heʻetau fakahoko mo tauhi e ngaahi fuakava toputapú ʻo haʻi kitautolu ki he ʻEiki ko Sīsū Kalaisí. Ko hono moʻoní, ʻoku fakaafe mai e Fakamoʻuí ke tau falala pea ngāue fakataha mo Ia, neongo ʻoku ʻikai tatau mo lava ke fakatatau ʻetau ngāue lelei tahá ki Heʻene ngāué. ʻI heʻetau falala pea ngāue fakataha mo Ia ʻi he fononga ʻo e matelié, ko e moʻoni ʻoku faingofua pē ʻa ʻEne haʻamongá pea maʻamaʻa ʻa ʻEne kavengá. …

“… ʻOku fie maʻu ʻa e ngaahi fuakava ko ia ʻoku maʻu pea tauhi ʻi he angatonú pea mo e ngaahi ouau ko ia ‘oku fakahoko ʻi he mafai totonu ‘o e lakanga fakataulaʻeikí ki hono maʻu ʻo e ngaahi tāpuaki kotoa ʻoku lava ke maʻu ʻi he Fakalelei ʻa Sīsū Kalaisí. He ʻoku fakahaaʻi ʻi he ngaahi ouau ʻo e lakanga fakataulaʻeikí, ʻa e mālohi ʻo e anga faka-ʻOtuá ki he tangata mo e fefine ʻi he kakanó, ʻo kau ai ʻa e ngaahi tāpuaki ʻo e Fakaleleí (vakai, T&F 84:20–21).”

ʻEletā David A. Bednar ʻo e Kōlomu ʻo e Kau ʻAposetolo ʻe Toko Hongofulu Mā Uá, “Ke Nau Lava ʻO Fua Faingofua ʻEnau Ngaahi Kavengá,” Liahona, Mē 2014, 87.