Maʻá e Fānau Īkí
Ngūnguuʻi ʻa e Ngaahi Himí
ʻOku nofo e tokotaha naʻá ne fai e talanoá ʻi ʻIutā, USA.
ʻOku saiʻia ʻa ʻEsi ke hiva. Naʻá ne fiefia ʻi he hiva he Palaimelí. Naʻá ne ʻiloʻi ʻoku manako ʻa Sīsū ke fanongo ki heʻene hivá.
ʻI ha ʻaho ʻe taha naʻe hivaʻi ʻe Mama mo Papa ha himi ʻi he houalotu sākalamēnití. Naʻe fie hiva foki mo ʻEsi, ka naʻe ʻikai ke ne ʻilo ʻa e lea [ʻo e hivá].
“Ko e hā ʻokú ke loto-mamahi aí?” Naʻe ʻeke ange ʻe Mama kia ʻEsi.
Naʻe pehē ʻe ʻEsi “ʻOku ʻikai ke u ʻilo e lea [ʻo e hivá].”
Naʻe pehe ange ʻe Mama, “ʻOku ʻi ai ʻeku fakakaukau.” “Ko ʻema hiva pē ʻi he uike hono hokó, te ke lava pē ʻo ngūngū.”
Naʻe ongoʻi fiemālie ʻa ʻEsi. Naʻá ne saiʻia ʻi he ngūnguú.
ʻI he uike hono hokó naʻe ngūngū pē ʻa ʻEsi kae hivaʻi ʻe Papa mo Mama e ngaahi himí. Naʻe ongoʻi fiefia ʻa ʻEsi. Naʻá ne ʻiloʻi ʻoku manako ʻa Sīsū ke fanongo ki heʻene ngūnguú.
Ngaahi tā fakatātā ʻa Adam Koford