Fakakaungāmeʻa mei he Funga Māmaní
Ko Luka au mei Saute Kōlea
Anyoung, chingudul!*
ʻOku nofo e tokotaha naʻá ne fai e talanoá ʻi ʻIutā, USA.
ʻOku ou saiʻia he nofo ʻi Saute Kōleá. Ko ha feituʻu fakalata ke tupu hake ai!
ʻOku ʻi ai nai ha ʻuhinga makehe ho hingoá? ʻOku faʻa ʻi ai ha ʻuhinga mahuʻinga e hingoa ʻo ha taha, ʻi Kōlea. ʻOku ʻuhinga e hingoa ʻo e taʻu valu ko Luká ko e “maama.” Naʻe fili ʻe heʻene ongomātuʻá e hingoa ko ʻení ke fakamanatu kiate ia ʻe lava ke ne maʻu ha kahaʻu lelei.
Ko au ʻoku lahi taha ʻi heʻemau fānaú. Naʻe fakahingoa hoku kiʻi tuofefine siʻisiʻí ko ʻĒlika.
ʻOku ou saiʻia ke laukonga. ʻOku ou poto lelei ʻi ha lea fakafonua ʻe ua, ʻa ia ʻoku ʻuhinga ia ʻoku ou lava ʻo laukonga, tohi, mo lea faka-Kōlea mo faka-Pilitānia fakatouʻosi.
ʻOku ou manako ʻi he soká, pea ʻoku ou vaʻinga ʻi ha fale vaʻinga he taʻú kakato.
Ko e Chuseok ko e taha ia ʻo ʻemau ngaahi ʻaho mālōlō lahi tahá. Ko hano fakafiefiaʻi ia ʻo e ututaʻú—ko ha ʻAho ʻo e Fakamālō Faka-Kōlea.
ʻOku ou ʻalu ki he akó mei he 8:30 a.m. ʻo aʻu ki he 2:30 p.m. Pea te u ʻalu leva ki ha akoʻanga he tuku ʻa e akó ʻoku ui ko e hak-won ke toe ako lahi ange. ʻOku ou toʻo foki ʻa e ngaahi lēsoni tā pianó mo e ʻātí.
Ko ha tangataʻi fonua au ʻo e ʻIunaiteti Siteití mo Saute Kōlea fakatouʻosi, pea ʻoku ou kau ʻi he polokalama Tamaiki Tangata Sikauti ʻo ʻAmeliká ʻi he lotú.
Tā fakatātaaʻi ʻe Brad Teare